《延禧》吳謹言大開金口！網民：仲好聽過明玉唱《囍帖街》
來源：娛聞樂｜圖片：劇照﹑weibo｜編輯：heitung＠Central
《延禧》吳謹言連唱歌都叻！
《延禧攻略》飾演魏瓔珞嘅吳謹言突然爆紅，更有網民將佢之前唱《烽火佳人》主題曲嘅片擺出嚟，真係聽出耳油。
吳謹言之前都有拍過唔少電視劇，包括《少年四大名捕》、《守護麗人》、《鳳囚凰》等，更喺2013年嘅《烽火佳人》中一人分飾兩角，演技備受肯定。
當年吳謹言為咗宣傳《烽火佳人》，仲上台大開金喉，唱《烽火佳人》主題曲。吳謹言聲音甜美動聽，真係拍得住啲專業歌手㗎，令到一班觀眾都聽到耳油。
呢條片喺網上瘋傳，唔少網友紛紛留言，讚佢唱得好好聽：「原來令妃娘娘歌聲這麼好聽！」、「可以去當歌手了」、「延禧入面唱歌最好聽嘅女星」。
唔講咁多，去片！
相關新聞：
《延禧攻略》不過仲係好有話題性，好似喺劇中飾演宮女「明玉」嘅姜梓新，除咗做戲好之外，原來佢唱歌都好好聽。最近有網民搵到佢翻唱謝安琪嘅《囍帖街》，又真係幾好聽嘅。
《延禧》明玉唱《囍帖街》
飾演宮女「明玉」嘅姜梓新，一開頭佢係富察皇后身邊嘅大宮女，後來就成為魏瓔珞嘅大宮女。喺戲入面佢喺一個心直口快，相當善良嘅人。
翻唱謝安琪嘅《囍帖街》真係唱得幾好！
現實中嘅明玉真係好唱得，最近有網民搵到佢之前翻唱謝安琪嘅《囍帖街》，真係唱得幾好㗎，好多網民都大讚姜梓新唱得好，聽出耳油！
唔講咁多，一齊聽下姜梓新嘅唱功啦！
其實IU之前都有翻唱《囍帖街》，備受網民大讚，不過都有網民覺得姜梓新唱得好聽過IU。一齊重溫下IU唱《囍帖街》，你哋又覺得邊個唱得好聽啲呢？
姜梓新係音樂劇與影視表演專業科班出身，唱歌同專業歌手有得揮㗎！姜梓新成日自彈自唱，多才多藝。
https://www.youtube.com/watch?v=NJC5TSxioCg
姜梓新演技備受讚賞之餘，連《延禧》嘅編劇都大讚佢嘅外型同性格：「顏值純淨養眼，有滿族人的感覺，性格直來直往，十分貼近『明玉』這角色。」
其實姜梓新之前成日都喺鏡頭前大開金喉，好似唱過《當你》、《錯的人》等，唔止唱得好聽，人又靚，真係不得了！
https://www.youtube.com/watch?v=sMU3QKSW1ZE
