自稱麥當勞員工大踢爆：薯條外賣份量特別少？炒蛋用真蛋定「加料」？
麥當勞員工爆料內幕
麥當勞作為人氣連鎖快餐店之一，獲得了眾人喜愛，不論是大人，或是小朋友都愛吃！而最近有港人以「做緊麥當勞pt，你問我答」為題發帖，吸引了逾千名網民留言，希望該名前員工能拆解當中疑問，當中更有提及眾人關注的衛生問題，即睇詳情！
1.炸油用幾耐？
當中大家最關心的就是用來炸薯條的油用了多久會換一次，而事主就解畫指要「用到黑哂先再換」，不少人表示非常不衛生。
2.為何薯條份量一時一樣？
不少人都投訴麥當勞薯條份量咁不一，時多時少，「點解明明係買中薯但永遠薯條到手係細薯份量，買大薯就係中薯份量，所以次次覺得買兩包細薯抵啲」。事主回應指「咁證明係人手幫你整，個個一樣就用機器整仲好」、「細包無得比你地鄧哂入去，中同大個盒有得鄧入去 你地實話少」。
3. 叫薯條走鹽會被店員黑面？
有網民表示由於自己不想薯條又冧又柴，因此會叫「薯條走鹽」，不過由於走鹽需要再做多幾個步驟，略嫌麻煩，因此一眾店員每次聽到都會黑面或直接串食客。事主亦坦承若聽到薯條走鹽的要求會黑面，更會於心裡咒詛對方「死X食你」。
4.外賣薯條特別少？
有人就指出外賣薯條與堂食薯條相比，份量較少，有網民就解釋指「因為淋左囉，軟哂一定會睇落去好少，就算加爆都係咁」，而事主亦是同樣解釋：「因為公司教要用手壓住扁D入薯條，咁樣睇落會多啲！外賣再軟就再少啲囉」。
5. 雪糕機幾耐洗一次？
另外大家亦相當關心廚房的衛生情況，當中有人表示自己曾試過食雪糕新地（綠茶味加塊朱古力餅嗰款），又痾又嘔，之後唔敢再買」，因此就詢問「雪糕機幾耐洗一次？」，而事主就回答指「幾日掛，睇下多唔多人返」。
6.炒蛋是真蛋還是蛋粉開水？
另外有人問道「炒蛋係用真蛋炒定用蛋粉開水再炒？ 」，而事主亦回答指「真蛋，無用水」，令到不少網民大讚「所以麥當勞炒蛋可以講係全麥當勞最好食嘅嘢」！
7.打風有冇津貼？
眾所周知，麥當勞部分分店於八、九及十號風球下都會照常營業，一眾網民都對風球下依然要工作的麥當勞員工致上無比的敬意。有人好奇若於颱風天下工作會否加人工，坊間甚至有傳聞指十號風球返工有3倍人工，而事主就打破迷回應指若於風球下上班，當日會有$100津貼。
