麥當勞用餐時被港媽要求讓座 港男高EQ回應獲激讚得體有禮貌 結局係咁樣
港男麥當勞用餐時被叫讓座
一名香港男子在麥當勞叫了一杯冷咖啡及一件蘋果批，正在享用的時候就見到一位看起來彬彬有禮的靚港媽帶著兩名小朋友出現，詢問他是否獨自一人。事主原本以為他們三位應該是搭枱，誰料對方提出了讓座的要求：「我有四個人，你可唔可以搬去另一個位？」，希望他能移至其他座位，以便她的四人家庭能坐在一起。
港男回應
事主聽後感到愕然，指「我喺香港生活四十幾年，第一次遇到咁既要求」，於是禮貌地拒絕了：「我啲嘢都係啱啱嚟到，不過坐幾分鐘就走，你哋坐住先啦」。其後母親與孩子們還是暫時坐了下來，直到附近空出一個四人座位先轉位。
相關新聞：兩母女唱雙簧逼讓座 港女遭1句辣㷫「想爆粗」最後以1招對付
事主指如果該名媽媽替他拎好位置的話，都會考慮轉位，但當時他正在用餐但卻要自行起身另覓位置就太過份了。
惹網民熱議 部分人支持事主：回答得體又有禮貌
這一事件在網上引發了熱烈討論，網民支持事主的決定，認為在食物剛送達時要求他讓座是不合理的：「食緊嘢，千祈唔好打擾我用餐，食完會走，等得就等，唔等得就自行解決，唔係人多壓制別人」、「如果未開始食就話啫，食緊都要人讓座好唔合理」、「莊閒唔識分，無禮貌，我會坐耐啲，由佢等」、「第一，呢個係大人對小朋友嘅身教，你問就無禮貌，騷擾人地用膳，道德綁架人地；第二，你要教䁱小朋友，全世界無人欠你嘢，人哋無義務讓你！；第三，除非人地發覺你有咁需要，自願起身讓你，唔好揾自己仔女去做人質，道德綁架人地！人哋真金白銀俾錢買嘢坐喺度食嘢，冇打擾你，自己系度休息同食野！」
同時，大讚其回應得體有禮貌：「這個回答好得體，算係禮貌地拒絕」、「版主eq 勁高」、「你都算好，如果係我，只會答佢：唔。可。以！你揾過第二張枱啦，跟進低頭繼續食我嘅餐」 。
有網民覺得事主應要讓座予港媽
不過，部份網民卻認為這位男子理應讓位，「做法有問題，你1個人就下人唔可以嘅？」、「人哋帶住2個小朋友，又有禮貌，可以遷就下」、「其實1個人坐邊都得啦，讓一讓俾人地1家大細好難咩？」、「1個人霸住張4人枱，今次我撐個媽媽，佢只係將大部分人唔敢講既野講出黎咋嘛！」
