麥當勞霸位風波：狂燥港爸VS賣老阿婆 最後全靠職員1招解圍！網民反應超兩極

麥當勞霸位：狂燥港爸大戰賣老阿婆

根據長達1分鐘30秒的影片對話所示，狂燥黑衫港爸帶同兒子一起到麥當勞用餐，期間港爸有使用餐廳提供的USB插頭替手機充電。白髮阿婆疑似自行拔掉港爸的充電線並坐在港爸的枱面霸位。黑衫港爸非常火爆，表情兇惡，手一直指向白髮阿婆破口大罵及咆哮：「你抆我電話」、「你同我收聲」、「呢啲阿婆真係九唔搭八」、「我係呢到等，你又要夾硬坐過嚟，抆我啲嘢」、「我走過嚟，佢又走過嚟」、「你抆我啲嘢，你已經好唔啱啦阿婆」、「滾開！」。而白髮阿婆亦不時反擊指「我依家想坐，食嘢」、「佢跌晒啲嘢係到，點坐呀」。

影片中麥當勞職員不斷幫忙進行調解叫大家「冷靜少少」，女職員輕拍黑衫港爸膊頭，示意他請稍稍息怒，然後詢問白髮阿婆：「你本身坐邊度？」，指出「如果你本身坐呢邊（另一張枱），我幫你清潔返，好無？」、「我幫你處理咗先」，過程態度專業、有善而不亂，成功令狂燥黑衫港爸沒再指罵，亦令白髮阿婆轉坐另一張枱。當罵戰緩和之時，阿婆又再次發攻：「你做咩跌晒啲嘢鬧我呀」、「我係阿婆，呢個細路哥，你要尊重」、「你對住一個細路哥咁惡？」。

知情人士者指：拍片者冇影到開頭！

影片於網絡上瘋傳，有自稱為知情人士者公開替黑衫港爸澄清，「已問當事人當日真正情況，佢話果個阿婆好離譜，推瀉晒佢成個麥當勞餐落地下，仲要霸咗佢個位，又將佢個手提電話扔咗落地下，又鬧佢個仔。佢話真係忍唔住爆，拍片者冇影到開頭！」

網民反應超兩極：支持黑衫港爸派

雖然未能核查知情人士的描述是否真確，但隨著影片廣傳，網絡的輿論聲音冒起。有網民諗為港爸沒有做錯，只是為自己及兒子發聲，「個港爸勇於捍衛自己嘅權利有咩問題，個阿婆搞人啲嘢唔俾人打算好彩啦」、「人嘅權利俾人侵犯作出反抗明明就係好正常嘅事」、「做男人保護自己個仔，對象係老人家就唔鬧得嘅，咁以後出去搭車食野讓曬老人家算啦，畀人恰完低頭道歉埋添呀」、「當所有真話都無人夠膽講，連大聲小小講大話都會比人話無禮貌」。更有人批評白髮阿婆指，「有啲老人家持老賣老，又真係討厭」、「壞人變老了！！老唔係大晒！廢老！」、「我係阿婆，呢個係細路哥，要尊重，呢句難聽過粗口」、「呢啲老而不，商場霸曬啲位，日日一早2蚊巴士係起點霸曬後生啲位，再恃老賣老」。

網民反應超兩極：支持白髮阿婆派

同時也有支持白髮阿婆的人出言撐，認為港爸太惡：「就算阿婆唔啱，個男人惡人惡相，想打人咁款，睇見令人反感」、「個男人為個位又唔洗惡成咁，冇啲修養」、「港爸EQ好低」、「使唔使咁惡形惡相，本來有道理都變成橫蠻無理，仲話打人，阿婆識玩嘅話，告你恐嚇，你就留案底，判1年，俾你緩刑兩年都唔抵啦！你真係要睇醫生，係咪有燥狂，你遲早一鑊」、「個細蚊仔真係慘，想像唔到係屋企會點，應該係做錯少少就俾暴躁老豆鬧同打，男嘅擺明有狂燥」、「香港生活真係好大壓力」。

職員解圍被讚

不少人留意到麥當勞職員的耐心與調解行為，稱讚職員「服務員應對能為好到位」、「個職員做得非常好」、「呢個職員要升職」！