Bob嫂黃乙頤產後確診1病須終身服藥 四度懷孕打近千針：人生另一篇章開始

「Bob嫂」黃乙頤誕下第四名孩子後確診：人生另一個篇章嘅開始

Bob嫂近日在社交平台上以「媽媽真偉大之妊娠糖尿病之苦」為題撰文，她透露自己的病情並非那麼簡單，由於她平日的糖尿指數偏高，當生完第四名小朋友後，經身體檢查後，Bob嫂最終確診糖尿病，她坦言：「此後又係人生另一個篇章嘅開始。」

四度懷孕注射近千針

在懷孕期間，由於不能使用糖尿病藥物，Bob嫂只能依靠胰島素注射來控制血糖。她從懷孕初期就開始注射胰島素：

「我由陀二家姐嗰時就要從懷孕第 23 週開始打胰島素針；陀三家姐就由懷孕第9 週開始打胰島素針；到陀細佬時已早於懷孕第4至5週就開始打針了！」

她還計算過自己四度懷孕，合共打近千針：

「其實咁樣每日打四針，整個懷孕過程4 0 週，由第5週開始打的話，即係我足足打咗3 5 X 7 X 4 = 9 8 0 針，仲未計餐前餐後要篤手指驗血」

「Bob嫂」黃乙頤感恩上天賜她小朋友

「Bob嫂」黃乙頤在經歷重重難關後， 她對所有經歷類似困難的母親表示敬佩和鼓勵：「只能說媽媽真偉大，雖然我已很習慣點樣處理糖尿病，但其實我都曾經經歷過一個掙扎的過程。各位有經驗媽媽，你哋真係好叻呀！總會過去的！」

她還認為小朋友是上天賜予的禮物，並表達了對生命的感激和接受的態度：「小朋友係天賜嘅禮物。如果個天畀我，我會感恩接受，可以做得到就做。總之對得住自己，對得住個小朋友就OK啦！」

網民們鼓勵Bob嫂 其他媽媽分享自身經歷

Bob嫂講述自身病況和懷孕經歷後，很多媽媽都留言鼓勵她要加油，「Pearl Proud of you!! The best mom ever for them!!」、「偉大嘅媽媽，祝福妳」、「A super mum respected」、「辛苦曬，一啲都唔容易……仲要有x4嘅勇氣！你真係好勁呀！」

此外，也有部分媽媽覺得甚有共鳴，藉此也分享自身經歷，有媽媽表示「所有嘢都係以BB行先」：

• 「我同你走嘅路是一模一樣，每日打四針，篤手指七次驗血糖，但血糖仍是不穩，打針還要補粒長效藥．由害怕變成習慣。只希望B B健康，出世嘅時候好可愛，一切會變得值得」
• 「大家都係同路人，我第一胎大概20週開始打針，一樣每日四針篤手指七次，打到37週催生，一卸貨血糖指數立即回復正常。
  第二胎12週開始打，一樣每日四針加篤手指七次，因為有第一胎經驗，所以第二胎已經習慣咗，冇有怕。
  我好記得大住肚好肚餓，但又搵唔到地方打針，打唔到針又食唔到嘢嗰種感覺，真係好慘！
  我媽媽曾經問我打咁多針咁辛苦點解仲要生第二個？
  做媽媽就係咁樣！所有嘢都係以BB行先！唔會為咗辛苦而唔生囉！」
• 「你真系好偉大啊！我陀二胎的時候就是妊娠糖尿病，三餐前都要督手指，好彩生完之後血糖變翻正常。正正因為是這樣，所以我明白你的感受！覺得你真系好勁！母愛真的很偉大」

妊娠糖尿病高危群組及症狀

根據香港家計會的資料顯示，「妊娠糖尿」通常在懷孕5至6個月時發生，主要原因是孕婦體重增加導致對胰島素的需求增加，而胰臟未能提供足夠的胰島素。此外，懷孕期間體內會分泌抗胰島素的荷爾蒙，影響胰島素功能，導致血糖升高。

高危群組包括：

• 體型較胖
• 年齡超過35歲
• 有糖尿病家族史
• 曾患妊娠糖尿或生產超過4公斤的嬰兒
• 飲食習慣不良，量多油膩又缺乏運動
• 有糖尿病體質

其實，妊娠糖尿病一般沒有明顯的症狀，不過孕婦若出現以下情況，就要多加注意，保持良好的飲食及運動習慣：

• 食量增加
• 排尿頻繁
• 體重不升反降
• 進食量不大，但產檢尿糖測試結果呈陽性