黃寶龍揭不做童星原因 《大時代》童年方展博19歲成人父 離婚後退隱 41歲繼承祖業

黃寶龍靠《大時代》為人熟悉 感挫敗退出娛圈

黃寶龍七歲開始做童星，參演過不少TVB經典劇集，如《大時代》、《射雕英雄傳》、《西遊記》等。

他亦拍過廣告，有些要到外地拍攝，令他年紀小小就有機會出國，見識世界，最忙碌的時候甚至要拍五日、八日，要向學校請假。由細到大他對讀書不太感興趣，學業算不上出色。後來他接拍《大時代》，劇中他親眼望住爸爸方進新（劉松仁飾演）被丁蟹（鄭少秋飾演）打死，頓時崩潰，演技好過不少人。自此他為人熟悉，之後有更多機會接拍電影、電視劇。

不過拍得愈多，他愈懷疑自己是否有表演天分：「好多時我真係未必真係做到導演要求，可能要NG好多個take。我幾深刻有一次講我要跑出餐廳，再跑經過鏡頭，做咗30幾Take都係唔滿意咁收貨。我開始覺得係咪無天分？會咁樣質疑自己。」拍劇拍到16歲就沒有繼續在演藝圈發展，中學畢業後，他決定出外闖一闖：「我嗰時去到嗰個歲數，做電影又好、劇集又好，無細個咁得心應手，可能我要求高咗，都會有少少挫敗感。自己覺得想再做好啲，但好似愈做都未做到個要求。」

繼承祖業 無悔做過童星

10幾年來，黃寶龍做過很多不同行業，試過賣化妝品、賣衫、開過洗衣店，又同朋友做過生意。六年前，他接手爺爺於1958年開業，留下來的二手書店「精神書局」。以前他不喜歡，也不懂得欣讀書，即使爸爸給他一兩本猜謎語的書，他都沒有興趣去看，寧願在招牌下面的竹籮看錢幣，想不到長大了卻要解理書店，終日與書本為伴：「我諗少少諷刺，我唔知一個人最有時間睇書就係細個嗰陣，當你出嚟做嘢為生活，真係好難有時間睇書。」

他笑言做哪一行，都有人認得自己：「我覺得係經驗、回憶，如果有人仲認得，都開心嘅。」雖然做童星對現時的事業沒有太大幫肋，但他也沒有後悔，因為做童星令他有個與眾不同的童年：「我覺得喺20、30年後睇番，作為小朋友可以參演經典電影、劇集，係一個光榮、榮幸，係記錄咗自己嘅童年，大部分做得呢行都好享受喺鎂光燈下嘅自己，無論做得好定唔好，喺個過程，應該10個有10個都開心。」近年都有人找他客串拍戲，都被佢拒絕，佢表示對娛樂圈已經沒有憧憬，選擇安守本份：「張繼聰都捱咗好多年，到近年先出頭，所以際遇好緊要。」

19歲成人父 離婚後另結新歡

今年41歲的黃寶龍早於18歲已經結婚，19歲成為爸爸，不過與前妻因性格不合，於13年分開，兒子由就由前妻照顧。現在他展開新戀情，與女朋友感情非常穩定，還認定對方是終身伴侶，常常放閃。

延伸閱讀：17位童星成長對比-吳諾弘成熱爆「奧運新星」/22歲Jacky仔移居日本！有2位已婚