東張西望｜港媽揭黑心陪月「卿姐」5宗罪 偷飲人奶啜雞汁 竟收呢個價
黑心陪月「卿姐」5宗罪！偷飲人奶又偷食
陪月員負責照顧新手媽媽及初生BB的起居飲食，以及照顧初生嬰兒，責任重大。因此，陪月員的專業和可靠程度極為重要。近日在網上有新手媽媽揭發一名陪月員偷飲人奶、狼吞虎嚥、偷食湯渣、啜雞汁後原碟捧給產婦進食等惡行，不衛生之餘也令人十分驚嚇！
「黑心陪月」5宗罪：
第一宗罪：偷飲黃金初乳
第二宗罪：做薪水小偷呃鐘
第三宗罪：嚴重衛生問題：啜雞汁後原碟捧給產後媽媽進食
第四宗罪：安全意識不足：抱著初生嬰行近爐火
第五宗罪：用湯水坐熱人奶
《東張》主持扮搵陪月 電話對質對「卿姐」唔認錯
媽媽們上《東張》一一指證黑心陪月卿姐，偷飲人奶、用手偷食湯渣，抱BB入廚房等惡行。有見及此，TVB《東張西望》主持李旻芳扮有親戚介紹，親自打給卿姐詢問陪月服務，想不到對方仍有接客。
「卿姐」竟開呢個價 稱相當合理
起初，卿姐仍不停吹噓自己有豐富經驗，以接過幾十宗生意，因而開價每月2萬8港元是相當合理。然而，主持人追問上述網上傳聞及惡行，她則有以下解釋：
1.偷飲人奶
卿姐指，「偷飲人奶係誤會，人奶滴咗水，Bb驚者，我廢事浪費咗佢」。至於被警方拘捕一事，她則解釋指「佢叫我返去協助調查啫」。
2.口啜雞汁
卿姐指，「雞汁無飲，我用口吹咗啲雞油，諗住留返啲雞汁」，主持人追問為何不用匙羹，她解釋「係囉我心急咗」。
3.用湯坐熱奶
她稱「個啲係翻煲湯渣……唔好意思，而家有嘢做」，然後收線。
律師點評卿姐行為
陳子遷律師在YouTube頻道亦有報導此宗新聞，到底涉事陪月是真黑心還只是不小心？受害的苦主又可否索償呢？
網民點睇？
「我自己都係媽媽，一邊睇一邊代入左角色，如果我係受害媽媽會有幾震驚、嬲、心痛小b 。真心祝福各位受害媽媽早日放下呢個可怕嘅陰影，同小b健健康康、開開心心」
「苦主個親戚係咪有心靠害架 , 呢個陪月咁垃圾都介紹比人 ,係咪收介紹費雙重利事 ,飲初生人奶勁黑心又恐怖」
「證書最重要睇邊間培訓機構發出，揀要有信譽的機構培訓出來，例如僱員再培訓局培訓的陪月員，因佢地考試嚴格」
「支持保母連食品試完才比老細吃，有無毒跟到足，絕對升任」
「人哋媽咪嘅7日黃金初乳， 就咁樣比你飲咗黎進補 仲夠膽死話自己係無辜」
網上搜出大量黑材料！卿姐被列陪月黑名單
此外，只要在網上搜尋器上輸入「黑心陪月」和類似的惡行，已即時有大量黑材料顯示結果，更提到「卿姐」這個名字。在Facebook群組「香港陪月黑名單 HONG KONG BLACK LIST MATERNITY HELPER」中，亦有中伏媽媽發千字文大控訴，並附有影片作證。當中提及卿姐的種種惡行，及被發現惡行後的態度轉變，都令一眾媽媽極為憤怒， 紛紛批評「毫無衛生常識，長期喺廚房用手偷食，4日即炒」、「厚面皮問我做乜炒佢，行到勁近，好似凶我咁，到我老公行出黎開聲鬧佢先肯走」、「WhatsApp叫事主刪除影片，又話冇計傾，又話本來諗住算數，不作追討，而家無法不討回賠償，不斷滋擾事主，要求事主刪除貼文」。
東張西望 | 「星級陪月」變黑心陪月！
4年前《東張西望》也曾報導「黑心陪月」的個案！2019年6月網上流傳一條短片，顯示某星級陪月員下廚情況，衛生程度之差令網民咋舌！有指該位陪月員甚至同時接下幾份工作，卻藉口多多不現身，事主受訪大吐苦水……
網民點睇：
「真係黑心到爆，唔係自己食就咁隨便，冇職業道德」
「現今社會就話有陪月用 以前都是自己或阿媽幫下手揍 假於人手一定有風險 由其剛出世的嬰兒體質比較弱 我肯定放心不下」
「逢係有私心嘅人就唔可以做陪月工作,對方係佢個女兒佢會唔會咁做呢?呢種人一定係無兒無女至咁黑心嘅啫!」
「一睇個樣就知道佢唔友善啦,面肉橫生,相由心生!」
「所以她的星級，是自己給自己的嗎？」
