黯夜守護者｜江嘉敏齊蔭被指似魚蛋 曾留短髮被猛料男友嫌 因1事3年情分開？
《黯夜守護者》扮演壞女孩 齊蔭髮型被指似魚蛋
在新劇《黯夜守護者》中飾演一名患有反社會人格、性格反叛、做事不顧後果並經常闖禍的女生盧小寶，是火鍋店老闆娘盧倩雯(陳敏之飾演)和社團頭目羅威(李國麟飾演)當年少不更事所誕下的女兒。盧倩雯與女兒關係十分好，兩人相處如朋友般傾述。而成為KOL的盧小寶為得到關注而不惜以身犯險，為揭露交易情況，而漸漸步入無底深淵。
江嘉敏今次突破性以一個齊蔭髮型亮相，成功掀起不少話題。但原來她去年拍攝期間，為保持造型都花上不少功夫，事關頭髮生得快，仲唔覺意同她的「好姊妹」馮盈盈撞款添！
對於今次江嘉敏的髮型，觀眾都有不少意見！當中大讚江嘉敏可愛兼「後生咗」嘅言論都為數不少！尤其是江嘉敏早期因為拍劇而剪短頭髮被指「顏值大減」，突然行可愛風的確有很大反差，相反，都有人話江嘉敏面圓圓加埋個煲蓋頭，更加盡得面大：「好似粒珍寶珠」、「成粒魚蛋」。不過江嘉敏在劇中要扮後生都係無可奈何，事關她飾演的盧小寶，角色設定是20歲，仲要係陳敏之個女，二人實際年齡分別係27歲同埋43歲，同劇入面一樣相差16年！
留齊蔭缺點：每星期見髮型師一次
江嘉敏其實不是第一次剪齊蔭，她笑指對上一次是2018年拍攝劇集《福爾摩師奶》時，又笑言剪齊蔭頭的優點是「前蔭長到可以唔畫眉」，而缺點就係「要每星期見髮型師一次」。
同翻面姊妹馮盈盈撞髮型
其實近年一直都傳聞，江嘉敏同馮盈盈這對昔日好姊妹已翻面，早前江嘉敏曾以著旗袍舊相狙擊馮盈盈著旗袍的新相，而當時江嘉敏的齊蔭髮型亦同馮盈盈早前在大熱劇集《反黑路人甲》中飾演的「Madam Koo」髮型撞到應。
情路悲慘 因為短髮跟有米男朋友分手？
而事實上，江嘉敏早前已經為拍攝劇集《四十二章經》而剪去多年長髮，豈料她犧牲的不單單是留落多年的髮絲，她更曾自爆因為剪短髮連個男朋友都沒有！當日她曾經在IG寫道：
知道嗎舊人
嗱長頭髮丫
一個人愛你係唔會理你長頭髮定短頭髮
有指因為男友Anthony出軌而導致分手，江嘉敏接受傳媒訪問時沒有否認，只表示現階段努力抗疫及照顧自己身體，要努力熟讀劇本研究新角色等。
早在2021年《代溝關注組》節目中，討論到另一半出軌的話題時，她就自爆曾在18歲時在街上遇到當時的男朋友和自己的好朋友一起，當刻她相信只是普通朋友，但後來對方在她生日時男友直接帶她到餐廳後門見第三者，她不能接受。她更表示另一段戀愛也因為對方出軌而分開，更表示自己發現是因為「每次打電話畀我男朋友，都聽到佢（女方）把聲喺隔離，男友話只係一齊食飯。終於有次收工返去，見到個女仔架車喺我屋企門口，我問男友點解佢喺度，男友話佢想租呢頭附近啲屋，所以參觀你間屋，我問到底係咪想參觀我間屋做女主人呀？」可見她的感情路十分悲慘。
短髮受盡批評：花家姐咁款
其實嫌棄江嘉敏短頭髮的，除了是她前男友之外，仲有一班網民。早前發福不少的江嘉敏於IG以戰鬥格，穿黑色Deep V Bra Top披藍色西裝外套入馬場，惟有網民嫌「鄉姑」味濃，紛紛留言：「件衫隻色想點？」、「啲Taste咁差」、「花家姐咁款」、「以為夾個髮夾喺頭就會似番女人？」等。
而在2021年舉行的《TVB節目巡禮2022》，江嘉敏的短髮造型也備受爭議。網民表示她完全不適合短髮：「好似師奶」、「係咪致敬仙杜拉？」網民更表示比較喜歡她長髮：「點解髪型師咁鍾意叫artist剪短頭髮，有啲人一睇就知唔啱短頭髮啦！」、「希望佢快啲留番長啦。」等等。
時尚觸覺都被網民瘋狂批評
江嘉敏幾乎次次現身大型活動都例牌炒車，好似2019年出席《萬千星輝頒獎典禮2020》，當時蜜運中的江嘉敏穿上一襲Bling Bling直間緊身魚尾裙。而經常被批評打扮過於成熟的她，曾以黑色喱士襯藍色連身短裙Look亮相《周年慶典節目巡禮2022》，雖然「中門暗開」身形若隱若現，但仍遭網民瘋狂批評。
認不懂襯衫 造型全靠朋友
江嘉敏曾接受鄭裕玲（Do姐）主持的商台節目《口水多過浪花》訪問時，大方直認不懂扮靚、幫自己化妝都幾恐怖：「可能件衫本身係靚，但我無諗到咁深層次，原來件衫唔啱我身形著，我無留意呢啲。」又表示造型是搵朋友幫手，現會考慮聘請形象指導，Do姐追問：「嗰個朋友絕咗交未？」江嘉敏即解釋：「無，朋友好好，佢哋有勸我嘅，但我就好堅持，我覺得呢件衫真係好靚，咁其實自己衰囉！」
