開幕限定必搶貨

$1 洗衣機

原價:$2,680 攤位: 5A74-79

全場最抵，一定係呢部美的6KG全自動前置式滾筒洗衣機，12月12日開幕當日，就會以1蚊震撼優惠價，限量提供10部，1蚊買到部洗衣機，絕對排通宵都抵啦!

$1 鮑魚

原價:$780 攤位: 1B51-58

好多人都係趁工展會辦年貨，所以參茸海味一定唔少得! 南北行呢套鮑魚孖寶套裝，係用澳洲鮑魚製造，原價差唔多要8舊水，而家1蚊就買到，不過一樣係限量10盒，同得開幕日先有架咋!

$1急凍食品福袋

原價:$1,004 攤位: 1C23-24, 31-32

呢個福袋超豪呀! 裡面有匈牙利鵝肝(1公斤)、法式羊架(700克)、泰國鮮露荀釀雞中翼(1公斤)、炭燒大蔥雞肉串(1公斤)、日式大蔥釀雞中翼(10串)，同1個冰袋。原價過千，而家都係賣1蚊，想一家人聖誕開大餐，就要趁手喇! 因為都係得10個架咋!

下一頁有其他1蚊優惠貨品

其他1蚊「抗通脹」優惠

其他1蚊優惠產品，雖然冇開幕限定咁震撼，不過同出面零售比，一樣係抵到爆架! 而且提供時間比較長，要爭都唔係冇機會架!

$1 咖啡豆套裝

原價:$450 攤位: 1C23-24, 31-32

呢個套裝入面會3包咖啡豆，包括有: Tarza Gold(500克)、Tarza Espresso(500克)及Tarza Premium Aroma(500克))，喺12月13-19日期間，會以1蚊優惠價發售，每日限量10套，先到先得!

位元堂高麗蔘蜜餞片 (20克裝)

原價:$88 攤位: 2B73-78

位元堂養陰丸 (6粒裝)

原價:$32 攤位: 2B73-78

呢隻家傳戶曉，老字號嘅保健產品，香港人應該唔會唔陌生啦!喺12月12-18日期間，以上兩款產品都會以1蚊優惠回饋港人，每日限量30份!

$1 龜苓膏

原價:$30 攤位: 1C25-30

唧唧龜苓膏，可以隨時隨地食，清熱都方便咗好多啦! 喺12月12-18日期間，鴻福堂每日會準備100包，以1蚊優惠益街坊!

下頁有雙頭煤氣爐劈價$999

中華煤氣 推$999日本雙頭爐

飯就日日都要煮，屋企個煤氣爐，其實都幾操勞架! 如果想喺過年前換新爐，機會嚟喇!

中華煤氣準備咗多款特價爐具，喺工展會發售，其中一款「簡栢煤氣雙頭爐」，係日本製造，質量有保證，原價$2,580 ，而家劈價$999，不過只限開幕首日(12月12日)發售，得50個架咋!

攤位: 3B57-62

工展會平靚正嘅貨品，當然唔止得咁少! 我哋會繼續為大家UPDATE，想知仲有咩平嘢買，有咩好嘢食，就要緊貼住sundaykiss.com喇!

撰文:Joanne

攝影:Angela、黃大立 (部份為網絡圖片)