10大夏日 降溫小物 出街必備

手提風扇

近期大熱的手提風扇又名「芭蕉扇」，係家長出門必備良物！由淘寶、士多、家品店至鴨記遍地可尋，唔同牌子唔受級數，普遍廿蚊起有交易，款式除了手提之外，亦有推掛頸版本，懶人最啱用。風扇細細易於收藏，但風力也頗為確驚人，小編長期近距離吹住個頭真係會吹到暈暈地，所以大家用時要保持一定距離及適可而止！

噴水風扇

進階版的風扇，加多個水壺附有噴水功能，可以當佢係噴壺同風扇合體的成品，一邊歎涼風，按一按就噴出涼涼霧氣，大熱時的確係爽。但缺點在於坊間普遍的款式體型較為大，易於收藏於手袋內的迷你版本較為難找。價錢由幾十蚊起，上淘寶搵一大埋任揀。

閱讀更多

※如欲率先接收資訊，請讚好我們的FB專頁：https://www.facebook.com/SundayKiss/，並於「已讚好/Liked」選單設定「搶先看/See First」，多謝支持。

延伸閱讀

天水圍天幕釣蝦場 $128任食燒烤

6大童年經典卡通暑假襲港

續下頁

噴霧水壺

行山人士或戶外活動時必備的良品，唔使用電，只係將普通水壺加多一個噴霧氣功能，飲完水再按一按水壺，霧氣噴面頓時爽晒，一般的登山用品店或者運動用品店都有售，外國大牌子大概要成百蚊港幣一個。

保濕礦泉水噴霧

如果出街冇帶以上用品，唔使怕！因為呢個類保濕噴霧好多地方都有得賣，如萬寧、屈臣氏等個人護理用品店都有售，支裝的壓縮噴霧即買即用，易於收藏，加上只是水份，對身體無害，同類做到散熱功能，好方便！

冰涼噴霧

只需對衣服噴幾次就即刻涼晒，原理在於含有易揮發的酒精及去離子水，加上有薄荷成分營造冰冷感覺，但由於有酒精及其他化學成份，所以小編唔建議大家直接噴在皮膚上，噴在衣物上已足夠。

續下頁

冰巾

運動用的冰巾，廿蚊左右就有交易。用法好簡單，將毛巾浸濕水後扭乾，其特殊纖維比一般先巾吸更多水，加上特殊透氣孔會將先巾變得冰涼，用佢搭在頸或頭等位於，成個即時到凍到醒晒。

退熱貼

發燒專用的退熱貼，其膠片內所含水分吸熱，所以係熱天吸體溫，亦一樣好好用！方便在於無須冷卻，加上好多地方都買到，可即買即用，一小塊就可以涼足四個鐘！

發燒冰袋

冇錯！最慳家方法，就係拎屋企冰格入面個陳年冰袋，發燒都係用佢，大熱天時降溫應該冇難度吧？體型唔大件，雪凍佢後帶多個袋包住，放入手袋拎出街都冇大問題，唯一要數的不，就係有點老土。

續下頁

冰袋(啫喱)

買冰皮月餅時用的啫喱冰袋，其實可以反覆使用多次，雪凍後又可以帶出街，去沙灘或者戶外活動時，用來冰塞飲品或者「自我冷卻」亦得！

即用冰袋

運動創傷時專用的冷凍包，有點像冬天時用的暖包，透過化學反應，一啪即凍即用！本來用作退熱及減輕由運動創傷、扭傷、瘀青、蚊蟲咬傷、牙痛及頭痛所引起的痛楚，但夏天用來散熱亦無不可！街上的個人護理店或者藥房未必一定有售，反而運動用品店拎到的機會更大，細細盒方便攜帶，所以很適合出街使用。注意，購買時要留意是「Instant Cold Pack」！

撰文︰Pan