11年幸福家庭樂 徐榮 跟太太賀結婚週年紀念
撰文：Sundaykiss
圖片來源：新傳媒資料庫、徐陳之家嘩哈哈＠FB
徐榮 結婚11週年放閃
徐榮 在11年前跟太太Kathy共諧連理，囝囝徐朗（Karson）在2007年出世，今年10歲；而細女「包包」徐心怡（Kerry）則在去年出生。太太在徐家Facebook Page寫道：「本以為平淡一生。。但有了大徐後一切都變得不平凡！先有徐小B。。。之後再有了徐包包」，11年來一家生活幸福滿瀉呢！
較早前， 徐榮 生日時在外地工作，太太甜蜜出post同老公講生日快樂，並留言：「全家人都好掛住你」！
徐榮 近年演出不少劇集，人氣急升，而這明星家庭的小孩同樣有很多粉絲！囡囡「包包」曾經在《愛回家》中同爸爸拍住上，客串小B女馬家好，當時只有兩個月大的她毫不怯場，眼仔碌碌人見人愛，成為觀眾的寵兒！之後包包受廣告商爭相邀拍廣告，連帶爸爸 徐榮 也受惠，繼續父女檔上陣。
長大了點嘅包包變身可愛小美女，深受網民喜愛！
有個星級爸爸，囝囝徐朗都是名靚仔哥兒，雖然還未試過在劇集演出，但他其實是足球界的明日之星！徐朗現為本地球隊傑志U10青年軍成員，曾獲派至西班牙比賽，立志成為職業足球員，香港足球靠你啦Karson！
哥哥徐朗亦好錫細妹，當年 徐榮 想生多個女，都係因為Karson想要多個妹妹！
徐榮 一家四口幸福快樂，生咗囡囡包包後，帶旺事業。有無諗過生多個呢？ 徐榮 笑言：「夠喇，等我中咗六合彩先諗啦，哈哈！」現時有好老婆有子女，事業順利， 徐榮 想必已經很滿足了！
