12蚊店 萬聖節 大晒冷
廣告
萬聖節 到了，小嘩鬼準備出動搗蛋，打扮古靈精怪出絕招「Trick or Treat」，喺派對大肆收集糖果。作背後話事人的家長可以去12蚊店尋寶，一次過幫小鬼們整裝待發，盡情跳入鬼魅空間搞破壞！
撰文︰王碧姬
編輯︰Ling
攝影︰Killy Sung、王碧姬
古靈精怪自己襯
萬聖節 年年要轉造型，又唔想同其他小朋友撞款，家長就要多花心思玩mix & match，古靈精怪自己襯。細至指甲貼、紋身、假髮、飾物、斗篷、紗裙等等，都可以與平日穿着的衣服加以配襯，加埋少少化妝效果，唔想撞look話咁易。
鬼馬餐具
無論Trick or Treat定喺party食大餐，應節嘅餐具唔少得，手提籃、紙杯、瓷器、襟花等價廉物美，節日氣氛升溫，全家人一齊鬼咁投入。
鬼咁邪布置
最強氣氛要有最強布置，掛飾、吊飾、掛牆布、充氣公仔都滲出鬼馬的節日氣氛，買嚟搞小童party，現場氣氛high high high！
同場加映！大膽鬼升grade
如果小朋友屬勇氣之士，家長可以明目張膽買一些設計恐怖的萬聖節用品俾孩子過節，令他們徘徊在真實與節日之間，大膽指數瞬間上升。
