6月壽星注意！ 10大 生日着數 情報
6月幸運兒又出爐啦！今次的港鐵生日之星是6月5日生日的大小朋友！如果你是這天生日，並持有本港身份證之居民，即可獲贈以下生日獎，包括特別設計的港鐵「Happy Birthday 全日通」（一日內無限次乘搭港鐵）、港幣$50港鐵商場現金禮券、美心西餅生日蛋糕港幣$20現金券和美心中菜港幣$100元晚膳優惠禮券。
6月生日之星可以在6月1至30日期間，可憑有效香港身份証，親身到以下地點換領生日獎︰
●逢星期日11am-6pm，到任何一個港鐵站的換領處（馬場站、羅湖站、落馬洲站、 機場站、博覽館站及輕鐵站除外）；
●或星期一至日11am-6pm，到紅磡站旅客服務中心
在領取生日禮品前，生日之星必須出示有效的香港身份證作核對。年齡未滿15歲之生日之星，必須由一位年滿18歲或以上的父母/監護人陪同，並出示他們有效的香港身份證作核對之用。
查詢電話：2881 8888
下頁有：唔使$400玩2日1夜，仲送蛋糕
$398住梅窩海景渡假樂園雙人房 送早餐+蛋糕
想生日過下2人世界？呢個優惠啱晒你啦！由即日至6月30日，凡生日當月可以$398入住海景渡假樂園，除開每人都唔使$200，就可以享受雙人酒店住宿一晚，精美早餐兩份及聖安娜生日蛋糕一個！渡假樂園鄰近銀鑛灣泳灘，房間2014年全新裝潢，驟眼睇都幾新淨啊！
金田日式放題推生日優惠，生日之星只需於當月生日前7日或後7日內到餐廳惠顧晚市放題，將享有全單7折！訂座適合任何時段，不過每日就只有30位名額，所以想拎着數，真係要早啲訂枱啊！只需在電話訂座時先通知餐廳享用生日優惠就得啦！而且優惠可在當月內無限次使用。
優惠及條款：
– 香港居民惠顧前請出示香港身份證以作證明
– 惠顧6位以上需預付訂金
– 需另收原價加一服務費
– 酒精飲品不計算在優惠內
– 不能與其他優惠或優惠券同時使用
– 餐廳保留更改及取消優惠條款之權利，不會預先通知
– 如有任何爭議，有關餐廳保留此優惠之最終決定權
金田日式放題
查詢電話：23118328
地址：尖沙咀寶勒巷3-7A萬事昌廣場3樓302室
下頁：小童價錢歎龍蝦自助晚餐
灣景國際 灣景廳
小童價錢歎龍蝦自助晚餐
除咗6月壽星之外，其他同壽星慶祝嘅朋友仔都有着數啊！灣景國際推出自助餐優惠，壽星連同行朋友可以「小童價」享用正價的「龍蝦味力」自助晚餐！
灣景國際 灣景廳
地址：香港灣仔港灣道4號灣景國際1樓
查詢電話︰3909 9088
費用︰
星期一至四 $458（成人）、$418（長者）、$348（小童）
星期五至日、公眾假期及其前夕 $498（成人）、$448（長者）、$378（小童）
網址︰www.facebook.com/TheHarbourviewHongKong
條款及細則：
-自助晚餐供應期由即日至6月30日，每晚6:30pm – 9:30pm供應
-自助晚餐價目及優惠不適用於6月18-19日
-6月生日優惠有效期由2016年6月1-30日，每枱最多12位享用，及受條款及細則約束
千禧新世界香港酒店
地址：香港九龍尖沙咀東部麼地道72號
查詢電話：2313 4268
下頁有：其他每月生日優惠
香港海洋公園
係香港人都知啦！每年生日正日都可以免費去海洋公園玩嘛！另外今個月仲有新優惠！由6月1日至6月21日，只要喺海洋公園正門售票處購買正價成人即日入場門票，即可獲贈香港娛樂熱點禮券乙張，包括Neway免人頭費禮券﹑UA院線電影禮券或香港杜莎夫人蠟像館入場門票，價值高達港幣240元。陪你入園過生日的朋友仔就可以享受呢個優惠啦！（詳文：6月買海洋公園門券 送$240請唱k睇戲）
新入場門票價格已於1月1日起生效，而智紛全年入場證，詳情如下：
| 海洋公園入場門票 | ||
| 門票種類 | 新價格 | 現時價格 |
| 成人 | 港幣385元 | 港幣345元 |
| 小童（3至11歲） | 港幣193元 | 港幣173元 |
| 小童（3歲以下） | 免費 | 免費 |
| 主要關愛社群項目 | ||
| 持有香港身份證、於生日當天入場的人士 | 免費 | 免費 |
| 長者（持香港身份證明文件或長者咭之65歲或以上本港居民） | 免費 | 免費 |
| 持「殘疾人士登記證」的人士 | 免費 | 免費 |
昂坪360一直都有全年港人生日優惠，香港居民只需於生日當天出示香港身份證，便可以免費乘坐昂坪纜車標準車廂（來回）。如遇上昂坪360編定的保養及維修 日，壽星可於其生日月份內，另選其他日子亦可享用免費乘坐昂坪纜車標準車廂的優惠。
另外，即日起至6月30日期間，全港長者以正價購買一張纜車車票 (標準車廂/ 水晶車廂) ，即可帶同最多3位長者一同乘搭纜車，即一人價錢，四人享受！
壽星可以揀生日當日、生日前一天或後一天免費入場啊！壽星入場時可獲贈生日禮物，而同行的三位親友可享半價門票優惠。另外，韓星李鍾碩已於一月底正式進駐蠟像館，想探Oppa的壽星們唔好錯過啦！
杜莎夫人蠟像館
地址：山頂道128號凌霄閣P101號舖
開放時間：10am-10pm
電話：2849 6966
網址：www.madametussauds.com/
門票價錢：成人$245/3-11歲小童$175
推廣期：即日起至2016年12月31日
下頁有：Trick Eye特麗愛3D館
Trick Eye特麗愛3D館 壽星免費入場
前年開幕的特麗愛3D美術館你哋去咗未呢？Trick Eye特麗愛3D館曾被評為2014年首爾的最佳博物館，係韓國有多間分館，今年繼續有生日優惠！位於山頂的Trick Eye Museum分5大部份，包括「秘密花園」、「名畫世界」、「大冒險」、「夢幻樂園」和香港獨有的「探索香港」，每區都有幾十款大型平面畫，美術館利用錯 視法把二維圖變為三維立體圖畫的藝術技巧，將人融入圖畫中，讓你擒高擒低，捐窿捐罅拍出3D感覺。
Trick Eye特麗愛3D館
地址：山頂廣場三樓香港特麗愛3D美術館
開放時間：10am-10pm
電話：2813 1686
門票價錢：成人 $150/長者或小童 $100
生日優惠推廣期：即日起至12月31日
金光飛航 來回$238
雖然香港同澳門距離唔係好遠，但船飛就唔平啦！今年金光飛航繼續推出生日優惠！壽星購買生日當月金光飛航指定航線船票，即可以$238購買標準艙來回套票。 不過對比2015的生日優惠，今年的生日優惠票價貴了$20。而優惠適用於當月生日之本人及一位同行者，二人需乘搭同一航班。優惠套票只限出發前一天或當 天購買。
優惠船票可於以下地點購買：
香港港澳碼頭金光飛航售票處（香港上環信德中心三樓305D號鋪）
珠江客運有限公司（香港上環信德中心三樓305N號鋪）
中國客運碼頭（香港九龍）
珠江客運有限公司（九龍尖沙咀廣東道33號中港城1樓1-5A號鋪）
澳門氹仔客運碼頭金光飛航售票處（離境大堂）
澳門外港客運碼頭金光飛航售票處（碼頭二樓，30-31號櫃檯）
澳門威尼斯人-度假村-酒店金光旅遊(1028號鋪)
金沙城中心金光旅遊(1030號鋪)
撰文：Fiona Fong
相片：新傳媒資料室、相關機構網站/FB
