80歲大壽 四哥 謝賢 收乖孫親筆畫作
廣告
上月30日係四哥 謝賢 80歲大壽，咁大件事，霆鋒同婷婷都有返香港同爸爸慶祝。不過老人家最想見到嘅，梗係寶貝孫仔啦！所以柏芝都好識做，親自帶兩個仔Lucas同Quintus去畫廊，畫畫送俾爺爺做生日禮物，冧到四哥開心過收金條呀！
同霆鋒離婚後一直與謝家保持良好關係嘅柏芝，日前趁四哥生日，特登帶埋Lucas、Quintus去學畫畫，親手整禮物送俾爺爺。除咗一對仔有畫，柏芝自己都準備咗一幅畫上四哥招牌黑超look嘅畫，Quintus仲拎住同爺爺、哥哥合照，相中見到四哥笑得好開心，比起同佘詩曼嘅拘謹合照，明顯有孫萬事足！
