千萬Android用家被植入惡意程式 更新後狂彈廣告令手機中毒！
廣告
相比下載及安裝來歷不明嘅APK檔案，透過Google Play Store去下載程式本來應該係最理想同安全嘅途徑，不過呢層保障最近就畀人打破，事源有唔少用家回報表示Android手機預設瀏覽器會自動打開並讀取廣告，最離奇嘅地方係用家們都冇安裝過任何新嘅程式，而所有程式都係透過Google Play Store安裝，咁病毒到底由邊度嚟架呢？
撰文：odin | 圖片來源：Google Play Store | 編輯：Bonita| 原文刊於：新Monday
【手機中毒】千萬Android用家被植入惡意程式
最近網絡保安公司Malwarebytes表示，由舊年12月底開始陸續收到討論區網民匯報，佢哋都話Android手機預設瀏覽器自動打開並讀取廣告，最離奇嘅地方係呢班手機中毒嘅用家都冇安裝過任何新嘅程式，所有程式都透過Google Play Store安裝而令手機中毒，最後網絡保安公司Malwarebytes得出結論，原來係佢哋都曾經安裝過「Barcode Scanner」出事令手機中毒，「Barcode Scanner」已經被安裝咗超過1,000萬次，網絡保安公司Malwarebytes將佢加入咗監察名單之後不久，Google最後亦決定將程式下架，避免更多用家因此令手機中毒，以後下載程式真係要多加留神。
【手機中毒】更新後狂彈廣告令手機中毒
另外網絡保安公司Malwarebytes亦補充返，唔少用戶嘅手機都安裝咗幾年「Barcode Scanner」一直都冇留意，原來程式喺12月4日推出完更新之後，程式就由原來嘅條碼掃描器變成咗惡意程式，網絡保安公司Malwarebytes亦都解釋返，指部份免費程式會依賴廣告SDK去顯示廣告嚟賺取收入，當SDK改變就會令程式產生變化，不過今次「Barcode Scanner」事件就唔屬於呢類，係開發者刻意加入咗惡意程式碼，而且還用咗好多偽裝嘅手法去避免Google嘅偵查，有關方面亦都建議用家，如果你曾經安裝過「Barcode Scanner」必須馬上刪除以保平安。
