Sunny同Creamy因NFT陷呃細路錢+賣淘寶貨風波 曾大爆家底差拍片並非為發達

Sunny同Creamy因NFT事件引爭議 拍片道歉難撲火

YouTuber Sunny及Creamy近期是非不斷，接二連三被揭發黑材料，引起網民爭議。首先今年5月份，Sunny和Creamy之前在其頻道將籌備多時的的NFT計劃影片，一播出就引起聲討，影片中二人不斷強調兌換NFT「不設年齡限制」，更鼓勵小朋友購買NFT，引發網民不滿。二人曾表示會以AMA直播回應NFT爭議，但一直未有履行承諾。其後，頻道轄下的Discord群組對話流出，其中Sunny和其經理人黃龍德分別以「瘀血」、「食樹根」等字眼批評反對者，再度引起公憤，導致訂閱人數不斷下跌。

雖然Sunny及Creamy之後有上載一段片長為8分24秒，名為《【突發】回應有關NFT爭議》的影片，當中指出NFT雖然有炒賣的成分，但他們賣NFT的原意是為了多一個渠道推出自己的作品，希望觀眾是因為喜歡他們的作品而買，更將購買NFT人士的年齡提高為18歲或以上才可購買，網民對片中的解釋完全不收貨，指片中他們有道歉，但認為他們堅持出售NFT計劃，是「非常誘導嘅做法！」

Sunny同Creamy被指用淘寶製造商品

事隔一個月後，有「行家」TIK LEE踢爆Sunny及Creamy一直以來講大話存心欺騙香港人，多次強調不會使用內地生產商的Sunny竟出售淘寶製造的商品。他指二人於今年4月上載《一星期工作室大改造》的影片，片中Sunny除了分享工作室如何進行大改造外，更聲稱自己投資價值港幣60萬整六個人形雕像，每個高度與Creamy接近1：1比例。在其他影片裡，Sunny也不斷強調這些人形雕像價格昂貴。

但最後TIK LEE揭發人形雕像在淘寶上亦有出售，他更在影片中展示一連串的截圖，從照片上所見，果然與Sunny在工作室上所擺放的六個雕像一模一樣，而事實上雕像只值人民幣3000元。TIK LEE又指，Sunny曾在另一條影片中有提到，如果觀眾有興趣可以私人醒他們一個「觀眾價」，指責他經常想把一些已用過或二手物品轉售，怒斥Sunny為求賺錢博到盡，最後更直接在影片上聲討Sunny存心想欺騙觀眾的金錢：「真係講大話講上癮！」

有支持Sunny及Creamy的網民回應：「初模公仔一隻要幾萬不出奇，公仔的模是佔整個公仔的7至9的成本。之後個淘寶商家係可以keep住個模，大量制造，成本自然很低。」亦有聲稱從事生產模型的網民表示：「其實呢舊嘢貴在唔係個成品，而係不斷打樣既（嘅）過程。」但都有網民深感一直被騙，認同Sunny及Creamy誇大商品價值：「邊有可能10萬一隻，明明呢啲就同平時商場大時大節一次性嗰啲糖膠公仔一樣，全部都係大陸運落嚟」、「就算原創第一個整都唔使咁貴」等等，更有網民引用之前天線得得B原版公仔的成本價才值3萬來做例子，指這個價錢已經包括版權、設計、研發、打模、包裝、運輸，都不及Sunny的人形雕像貴。

另外，其實早前Sunny及Creamy在年宵市場入面賣自家設計攬枕也被踢爆於淘寶訂造。該網民更聲稱搜尋到他的設計原圖檔，並得知他淘寶帳戶的名稱，更貼出疑似同Sunny合作的淘寶店家對話圖。他指踢爆Sunny向店家只訂造了100個攬枕，但他卻自己已賣出1萬個攬枕，疑似虛報銷量。

再度出道歉片：認真虛心受教

事件發生後，Sunny及Creamy「潛水」一個月的時間，其後終於拍上載片長為6分04秒，名為《近況更新及沉澱反省 回應爭議事件》影片，寫道：「很久沒見大家了，沉澱與反省過後，希望透過這條影片，可以一次過回應大家近日的疑問與爭議。感謝各位一路同行，正面和負面的評論，未來我們也會繼續認真虛心受教。」當中提及了被追擊的NFT事件以及用淘寶貨事件，又指有意成立NGO，網民都是一面倒再一次表明不收貨。

疑想洗底 網民仍不受落

兩度道歉後，Sunny和Creamy嘗試將自己的形象洗底，他們曾上載名為《【突發】政府逼遷！香港最後一間鎅木廠面臨清拆！上水志記鎅木廠全記錄！》影片，片中介紹面臨清拆的志記鎅木廠，又特意不開啟影片盈利，網民就留言表示：「想扮好人冼（洗）底都唔好咁明顯，你哋以前根本就唔拍呢類型嘅影片，無啦啦拍呢啲片扮到好貼地好關心呢啲嘢咁。」

近日Sunny和Creamy於日前開始恢復原本的出片頻率，五段影片包括「挑戰情侶空中瑜珈」、「巨大化分子料理太陽蛋」、「在動物救援團隊做義工照顧小狗」、「24小時只吃越南米紙」、「情侶一分鐘速畫挑戰」。網民直指Sunny和Creamy做義工好假：「之前只係拍咩蒙眼挑戰、吃喝玩樂、Staycation、巨大化嘅片… …一條關於香港文化同小動物嘅片都無！出咗事之後連出關於香港文化同救助動物嘅片…係要幫香港文化同幫小動物嘅就一早出咗片講啦！之前仲有咁多訂閱，關注度咁高，而家出咗事，畀NFT、淘寶事件…就出香港文化同小動物嘅片嚟博人同情…」

延伸閱讀：Sunny Creamy曾拍片影射同行雪姨 網民：風水輪流轉

Sunny自爆家底差拍片並非為發達

Sunny曾於Now爆谷台的節目《爆谷髦聞 Poppy Moment》受訪，剖白自己家境差：「如果話我地敗家嘅話，係唔成立，因為正常來說屋企有錢先可以敗嘛，屋企其實唔係啲大富大貴，我以前細個嘅時候無錢，當初做Deisgn（設計）得6千蚊一個月，扣除食飯等開支所剩無幾，望住啲名牌舖頭都唔敢入去，而家就報復性消費，一次過買番晒所有以前買唔到嘅嘢。」

Sunny表示拍片是為了興趣，並非貪慕虛榮：「當時決定拍片嘅時候，窮得只有錢交租，餘下來嘅錢就用嚟買相機，我當初拍片唔係為咗發達，因為細個好鐘意畫畫，媽媽同我講唔好從事藝術，而我去係因為我好鐘意呢樣嘢。」他解釋自己被其他人欺騙過、騙掉所有金錢，才會有段時間很窮。Creamy為男友解圍：「真正嘅貪慕虛榮就係你想要個嗰牌子但係你買假嘢，我覺得咁樣先係貪慕虛榮。」被問到Youtube影片如何吸引到觀眾收看，Sunny指「我花了多少錢…」以錢為標題的影片是最多觀看，故令他經常拍下以錢為題材的影片。

問到Sunny「錢是甚麼」的想法，Sunny回應：「對我來說錢只係一個標題同數字，我比較在意係有無人鐘意我嘅作品，我咁講可能會有人覺得我好虛偽，但製作一條片如果無人睇，我會擔心過我無錢，我唔係為咗搵到更加多錢，我想更加多人認同我，畀到我嘅滿足感會更加大。」Sunny補充：「好似我地做出嚟嘅產品，觀眾會排隊走嚟買，我唔會覺得我賣咗畀你，賺咗你嘅錢，而我覺得我畫嘅作品有人欣賞。」Sunny最後感嘆地說：「呢樣嘢係錢買唔到嘅，依家可以做到令自己開心嘅事，我會盡量做咗先。」