移日港夫婦告急要網民畀錢 回應5大問題 老婆表情成焦點 網民：應該會離婚
相關文章：港夫婦裸辭移日4個月告急 求網民畀錢資助遭港人狂鬧 堅持唔打工原因曝光
移日港夫婦無錢叫觀眾課金 未料影片引爆話題
昨晚（ 10日），YouTube頻道「MinatoTV」Andy哥與Yan邀請夫婦二人進行直播，高峰期有過萬人觀看，而在直播開始時Andy哥已直言不同意Brian的價值觀，不過表示仍然要了解他們背後的動機，而Brian就表示上載這段極具爭議性的影片前，想過會有很多Hater鬧爆，不過就沒有想過被追擊到這個地步，透露並非為了流量而拍攝該影片：「可能係佢哋內心有啲嘢俾人滿足，所以我呢番說話會被畀佢哋討厭，但係實質係啲乜嘢我都答唔到你」。
Brian自爆沒有創業計劃：提早計劃亦沒有用
Brian在自己的頻道影片中，總是提及到「追夢」、「創業」等字眼，被問到到日本的創業計劃，Brian澄清自己並非以YouTuber去申請創業簽證，而是希望透過YouTube這個平台去幫助有需要人士推動原有的事業，又坦白自己現時只有方向沒有計劃：「呢個可能係我自己嘅觀念，無論係人生定係創業都冇可能有計劃，每一個時段有乜嘢困難、有乜嘢發生，就當下解決。」
他又坦言根本沒辦法預測未來會發生什麼事，就算提早計劃亦沒有用，認為萬一未來有突發事情發生，計劃被擾亂就會浪費之前所花費的時間；又指希望在這六個月內盡力經營YouTube頻道，希望可以賺取一定的生活費用後，隨後再研究創業簽證的詳細內容。
相關文章：港夫婦裸辭移日4個月告急 求網民畀錢資助遭港人狂鬧 堅持唔打工原因曝光
被網民指行為如同乞兒 Brian激動反擊「冇偷冇搶有咩問題呢」
Brian開通會員收費計劃，價目表的價錢備受質疑，不少網民質疑定價太高，不過他坦言「set幾多錢，唔係問題最緊要有人買單」而主持人Yan認為這個邏輯並沒有錯，不過錯在計劃非常虛無，只有目標卻沒有實質計劃。
由於夫妻二人強調堅拒打工反而伸手向觀眾要錢，因此不少網民指責二人的行為如同乞兒，而Andy哥分享自己的經驗，認為儘管二人的頻道收入未必能夠支付租金，但是都不應該將自己的生活費以及製作影片的成本轉嫁到觀眾身上，加上Brian的影片內容非常空泛，話題主要圍繞「裸辭、創業、半年10萬、唔夠錢用」因此直接問二人：
「你畀到啲咩價值人？」
Yan認同表示：
「你喺好低嘅角度望向啲好高嘅嘢，有夢想唔係錯，但係你冇點諗過點樣爬上去，你而家係想人哋抬你上去。」
不過Brian重複強調：「乜嘢都要試咗先知，我又冇犯法，我又冇偷又冇搶，其實有咩問題呢」，而會員制是給支持他們的人、粉絲而開設的，因此不理解為什麼大眾市民要如此激動他們：「願意接受大家話我失敗者，但唔接受話我乞兒。」
Brian透露1情況就會去打工
隨後Yan表示面臨如此情況Brian最需要的是要打工賺錢，不過對方就不同意這個說法，表示自己會一邊嘗試一邊做一邊學，Andy哥強調：「但係你哋而家搵唔到錢喎」
Brian指這是後話，而Andy哥繼續補充：「呢個係前話嚟㗎！你冇錢就冇後話㗎啦，點解唔肯返工呢？冇錢應該要返工㗎嘛！你而家就嚟冇飯開啦！」Brian解釋想先試試計劃是否可以實行，假如失敗剩2個月生活費就會工作。
被指做法有問題 Brian咁回應
Yan認為Brian想嘗試的心態並沒有錯，但前提要有時間以及金錢，另外營運YouTube頻道需要迎合大眾觀眾的口味，藉此Brian未來想要利用YouTube頻道營運類似顧問的業務，沒有計劃是非常難實行的，認為在這種情況下仍然加入會員，只能形容為「母性好強」。
在直播的尾聲，兩位主持人提醒假如Brian仍然保持現時的態度，未來發展很難成功，加上他已經結婚應該要顧及妻子的感受，不該繼續如此任性做「藝術家」，而Brian同意兩位主持人說法有道理，不過自己做法有不同，應交由觀眾判斷「如果聽完我呢啲唔正常嘅諗法仍然想支持，就加入頻道做會員。」
相關文章：港夫婦裸辭移日4個月告急 求網民畀錢資助遭港人狂鬧 堅持唔打工原因曝光
網民反應兩極「根本活係自己嘅世界」VS「一切都是價值觀問題」
「Brian在日本住」與「MinatoTV」聯合直播引來不少網民留言討論，不少人都指出Brian沉醉在自己幻想當中，不願面對現實：「你地畀機會佢澄清，但條友重覺得無問題，重反而覺得係人地有問題。完全唔反思點解人地甘對佢」、「我覺得Andy & Yan好好，佢哋喺度袋緊錢落Brian個袋度，同埋係教緊仔…..但係呢個Brian根本活係自己嘅世界…..」、「Netflix 都唔夠膽收$800/month, 憑咩？」、「Brian不斷講佢果條片係for原本就已經鐘意嘅人，不過由頭到尾都冇講過之後有咩詳細嘅規劃，去追夢都要清楚自己個夢係咩，就算屋企人都好難無條件比錢一個人去追夢」。
更有人指出在直播期間，妻子Luna居然一句聲都冇出過，面無表情坐了1個半小時直到直播結束，不少網民都表示戥佢可憐：「講真，佢老婆個樣，說明一切。不安， 徬徨，焦慮。作為人地老公，呢個brian , totally failed.」、「老婆出句聲啦 support下你個好老公」、「佢老婆個樣已經睇到一切，好不安，好似比老公帶住走咁…感覺佢老婆都可能係一個懶人，但未必100%認同老公嘅觀點 Brain似係會開好多空口支票嘅人，不切實際，老婆基於身份嘅問題，作為佢另一半唯有支持佢，但其實內心好多質疑不安」。
相關文章：港夫婦裸辭移日4個月告急 求網民畀錢資助遭港人狂鬧 堅持唔打工原因曝光
不過亦有網民力支撐夫妻二人：「無論Brian同太太既計劃係幾唔合邏輯， 也不至於要被眾人鬧到人地咁啊」、「我確定 ANDY AND YAN 真係唔明白 Brian 諗嘜，但我好明白, 其實佢已經講得好清楚，只不過大部份人唔接受佢去試，當然佢失敗率係好高」、「一切都是價值觀的問題，為什麼不能尊重，喜歡就支持，不支持就不付課金，市場來決定不是麼？主持一直用自己的價值觀去評論他人。」
有網民指「佢老婆應該會離婚」
此外，有人留意到Brian老婆Luna在直播時不時出現「黑面」、「西曬面」的表情，直指「佢老婆應該會離婚，西曬面」、「良禽擇木而棲 Next」，不過也有人認為「離左（咗）婚要返工架，唔離！」。 期間，有好心網民則提議「同Minato tv 合作囉」，希望可尋求更多工作機會及賺取金錢。
點擊看影片：
