Carousell 約交收多次放飛機港女捱鬧後上網狂呻網民反插：正西客！

Sep 18 2023

知名的二手買賣平台Carousell一直是大家出售或者尋寶的好幫手。但是當遇上遲到爽約或者態度不佳的買家，往往令人煩躁。近日就有買家透過此平台約面交收卻多次放人飛機，之後被賣家指責後竟卻無知地在連登討論區發文博同情，有心水清的網民道破而怒斥買家，最後買家急急腳刪文並del Acc，下場超慘！

港女上Carousell買嘢約交收　放足2次飛機仲惡人先告狀！

日前，有Carousell買家在連登討論區上出文，指自己「Carousell俾人屈」。事主公開對話，指自己相約了賣家於 8 月 15 日進行交收，從對話圖中下見賣家於8月15日下午 5:59 分 WhatsApp 事主，形容自己打扮並指「一陣見」，隔了一會兒見事主沒有回覆又問「Hello？」、「請問屋企人到咗未？」，又主動表示「我最後一場交收係7:30炮台山，可以同你交收埋」，然後事主在8:13才回覆「I am very sorry ，我唔舒服所以冇睇到電話」，更主動詢問「tmr same time ok？」

Carousell 賣家於 8 月 15 日下午 5:59 分 WtsApp 事主，隔了一會兒沒有回覆又問「Hello？」、「請問屋企人到咗未？」，又主動表示「我最後一場交收係7:30炮台山，可以同你交收埋」，事主在8:13才回覆「I am very sorry ，我唔舒服所以冇睇到電話」 — 賣家於 8 月 15 日下午 5:59 分 WtsApp 事主，隔了一會兒沒有回覆又問「Hello？」、「請問屋企人到咗未？」，又主動表示「我最後一場交收係7:30炮台山，可以同你交收埋」，事主在8:13才回覆「I am very sorry ，我唔舒服所以冇睇到電話」（圖片來源：討論區截圖）

賣家即時回應指「聽日6:15北角」，並於當天早上9 時提事主要準時，又在下午6時問「請問係咪交收？」、「到咗啦」，事主一概沒有回應，並在翌日才回覆「hello 唔好意思，請問你今日o唔ok?」，賣家今次要求「先付$50再面交」，事主亦回覆「我呢幾日唔舒服所以冇睇到電話，陣間一定交收到」，終於在 18 日成功交收。

Carousell 事主主動詢問「tmr same time ok？」賣家即時回應「聽日6:15北角」，當天早上9 時更提事主要準時。 — 事主主動詢問「tmr same time ok？」賣家即時回應「聽日6:15北角」，當天早上9 時更提事主要準時。（圖片來源：討論區截圖）

Carousell 事主失聯一日後，在翌日才回覆「hello 唔好意思，請問你今日o唔ok?」 — 事主失聯一日後，在翌日才回覆「hello 唔好意思，請問你今日o唔ok?」（圖片來源：討論區截圖）

賣家留言指責事主多次飛機　事主竟發難上連登公審

賣家事後在 Comment 指責事主多次no show，事主即憤怒在連登討論區出Post發爛渣，鬧爆賣家。事主認為自己只是第一次no show「喺第一次15號約交收，其實都算no show」，但「第二次嘅時候明明我哋係未 confirm 嘅時間，你自己出現咗就話我no show？成件事係非常之唔合乎邏輯」，又指「我係接受唔到佢屈我話我呢幾日都no show，仲要態度咁串」、「我有做錯，但係唔係代表我要畀人屈先？No Show嘅定義係雙方Confirm咗呢件事，我無出現先叫No Show，問題係我問完聽日O唔OK，佢覆完我，我都無覆佢，佢自己就去咗現場喎」，更表示想「請教吓大家，我點樣可以做好啲，希望有改善嘅地方。」

Carousell 賣家事後在 Comment 指責事主多次no show，事主即憤怒在連登討論區出Post發難，鬧爆賣家。示意圖，非當事人） — 賣家事後在 Comment 指責事主多次no show，事主即憤怒在連登討論區出Post發難，鬧爆賣家。（示意圖，非當事人）（圖片來源：TVB《愛回家之開心速遞》截圖）

網民鬧爆事主無良　2小時3千負評嚇至刪文

網民看到 cap 圖後紛紛留言鬧爆事主，更有超過 3 千 dislike，事主更被嚇至刪post並刪除account。然而一眾網民仍不心息，出新post再聲討「(Carousell)啱啱想搏同情屈人冇confirm就出嚟交收條友del咗ac定po？」，紛紛鬧爆指「你自己明知自己唔舒服仲係咁約人？你玩完人仲話人哋有問題，你係咪傻㗎」、「個賣家都叫好脾氣，你D咁嘅人唔畀人公「俾人X到ac都冇埋」、「佢地唔放X嘢上嚟我地邊有得笑」、「點解D人自己咁無恥都仲可以放上連登比人笑」、「呢啲X樣以為自己係世界中心」、「我睇到好X火滾，想當面X爆佢」、「真係極品西人」、「同佢交收條友唔Po 上連登真係算係咁」，持續恥笑事主。而事主刪Post前亦有向大家道歉，指「知錯了」。