Celine 回歸電視箱! 同陳豪交換秘密
廣告
打開電視機，又見到 Celine 妹妹楊鎧凝出場啦！今次新劇《來自喵喵星的你》由《鬼同你OT》原班人馬開拍，新加入了 Celine 做陳豪和胡定欣的女兒。上次拍攝《愛我請留言》時， Celine 只有五歲，而拍攝《來自喵喵星的你》時， Celine 已經七歲，導演要求有沒有高了？同陳豪拍劇又有什麼火花呢？
Celine 與視帝陳豪和兩位視后胡定欣、田蕊妮做對手戲，比上次《愛我請留言》有壓力，當時5歲的她只需做回自己，自由發揮，但今次導演對七歲的她提高了要求，幸好 陳豪爸爸用心教導，更向她講人生哲理，令她好快入戲。 每次拍攝Celine媽均有陪同，事前兩母女會一起傾談劇本，沒有刻意背誦，到場後再由眾演員教導，她大讚陳豪非常有紳士風度、對小朋友溫 柔，Celine都大叫「好鍾意佢」，兩人更收藏了小小的秘密，「唔講得㗎！秘密！」關於甚麼？透露少少也不行？「秘密！」陳豪講秘密，沒有選錯人。
一講到沖咖啡，Celine就話講得，陳豪爸爸有示範沖咖啡，她驚訝「啲水會自己郁㗎！」不過Celine齋睇唔飲，聞到陣味就嫌苦，拒絕爸爸「唔要呀！」陳豪咖啡只加奶不落糖，味道好濃郁，並非個個頂得順。
不應埋沒演藝才華
為 免影響Celine的學業，她的戲份只會假日拍攝，TVB在處理童星的拍攝時間表非常嚴謹，需要學校校長簽發「在學證明書」，之後上報教育局及勞工處，拍 劇只能視為課餘活動。Celine爸承認，囡囡在幼稚園時期的model工作頗多，但自上小學後已大大減少，只是Celine有知名度，所拍下的廣告仍在 不同媒體出現，令大眾覺得她仍密密工作，擔心她失去應有的童年。
決 定讓她繼續走在幕前，Celine爸媽覺得只要不影響學業，只要她喜歡就無所謂，Celine爸說：「有專家同我哋講，如果將一個鍾意演藝嘅小朋友收埋， 即係親手將佢嘅才華毀滅，咁樣先係對Celine最壞同唔公平嘅決定，所以我哋冇刻意收埋佢，有任何工作都會先問佢意願。」
