Club Med Kani 熱帶風情渡假屋 全日任飲任食
廣告
「馬爾代夫，坐落於印度洋的世外桃源，藍天白雲，椰林樹影，水清沙白……」就連Mcdull都想去的馬爾代夫，再唔係只適合情侶。 Club Med Kani 島向來是蜜月勝地，有不同類型的渡假屋，又有自助餐，實行住得開心食得放心。
撰文/相片：Angela
熱帶風情渡假屋
在Kani分有3種房型，分別為標準房、海濱屋及水上屋。當中水上屋一共75間，設有獨立樓梯直接落水，不過為了安全，14歲以上才能入住。標準房是兩層式，濱海房就是獨立屋，同樣位於海灘邊，適合小朋友入住。（Club Med Kani 親子活動可按此：Club Med Kani 變身兒童天堂 水陸遊戲日日玩）
任飲任食全日飽飽飽
在Club Med，早、午、晚三餐都係自助餐，大人、小朋友鍾意食甚麼都可以，不過有別於一般自助餐show晒出來自己夾，在午餐及晚餐時段，更有廚師在場為你製作不同的前菜、主菜，擺盤夠靚，令人食慾大增。
搭新航轉機有著數
去馬爾代夫好多人都會揀直航，但來轉機也不錯，如坐新加坡航空，由香港飛新加坡，然後新加坡再飛馬里，每程都係4個鐘左右，拆開了時間，用轉機的時間在新加坡樟宜機場鬆一鬆走動下，較適合有小朋友的家庭。
旅遊備忘
Club Med Kani 包括香港來回馬里經濟客位、三/四晚住宿、機場及度假村來回快艇接送、全島膳食和飲品。
- Kani 5日3夜套票（出發日期2016年12月至2017年4月），乘搭新加坡航空（經新加坡轉機），每位成人$10,458起、小童4至11歲$7,342起、小童2至3歲$4,300起
- Kani 6日4夜套票（出發日期2017年5月至10月），乘搭新加坡航空（經新加坡轉機），每位成位$10,180起、小童4至11歲$7,180起、小童2至3歲$4,300起
註：以上價錢未包$280ClubMed會員費、機場稅及燃油附加費（大約$2,300）
訂購網址：www.clubmed.com.hk
簽證：持BNO護照或特區護照均毋須簽證
時差：比香港慢3小時
貨幣：1港元約兌2馬爾代夫幣，美元通用
氣候：熱帶氣候，四季溫度穩定，5至10月為雨季，11至4月乾燥季節是旅遊旺季
電壓：香港的三腳插蘇可用
網絡：全島設免費wifi，但於室外或偏遠位置接收較差。
