林芊妤被網民指同男人去酒吧玩 427字霸氣反擊 曾因母子浸浴照被鬧爆
林芊妤被網民指同男人去酒吧玩 427字霸氣反擊
事緣有網民於林芊妤Instagram留言聲稱於中環蘭桂芳見到她與外國男士玩,還人身攻擊她:「早晨XX」、「琴(噚)晚喺蘭桂坊玩得好開心見到你同啲鬼佬,果然X永遠都係X。希望你快啲放生你老公。」該位網民又叫她不要刪除留言:「唔好剷咗留言咁無品」她則回覆:「我都話我唔會產(剷)留言囉!」
她不忿反擊,質疑對方為何不影低證據:「點解你唔影相嘅?tag我呀嘛!你唔知我呢啲係大眾樣黎(嚟)架(㗎)咩?周街啲女仔同我都好似樣架(㗎)喎。」她又澄清昨晚並沒有到蘭桂芳,而是全日跟家人在一起,有齊人證:「話說琴(噚)晚係(喺)星期日全家人出完街之後,仲同我老公係將軍澳練車,之後返屋企同我個仔講故事瞓覺,仲M痛影咗杯奶嘅story,好心你作故仔都作得好啲啦啲人一睇我Story都知我琴(噚)晚喺邊啦…公信力咁低都講得出既(嘅)。」最後笑他別要刪除留言:「你唔好delete message」
然後又她將這些留言截圖,繼續鬧爆對方:「呢個人真係好無聊,Keep住喺我嘅IG浮浮游游。我真係完全唔知佢做緊啲乜嘢,佢叫我放生我老公佢,係咪對我老公有興趣?啱啱同老公講完佢真係得啖笑仲反左(咗)一下眼」
![林芊妤](https://imgs.sundaykiss.com/wp-content/uploads/2021/09/0fd05b8e-1de3-46e5-9f3d-a335ea80ea2f_949580293628c8efb1c4b0-594x1024.jpg)
但那位網民很快又刪除所有留言,令她哭笑不得:「喂呀嗰個人又delete咗自己message啦!究竟幾無骨氣嘅人先做得出?所以話鍵盤戰士永遠都只係有勇氣匿埋喺後面。明明叫我記得唔好產(剷)message。我尊重佢,仲將佢嘅msg置頂,點知佢同我剷咗自己個message。」她更加肯定反擊行為是做得很正確,慶幸自己有截圖做證據:「所以我老公真係講得啱,我以前下下都俾(被)人蝦係因為我怕事。但其實越怕事嘅人,啲人就會越搵你麻煩。如果你越光明正大同佢對質,佢就好似隻老鼠匿埋返去後巷到(度),因為佢連用真account嘅勇氣都無…好彩我有safe(save)低佢嘅留言俾(畀)大家睇吓究竟發生咩事,真係佛都有火。」
曾分享母子浸浴照被網民鬧爆
林芊妤早前與老公、兒子一齊去金鐘一酒店Staycation,房間能飽覽一大片維港無敵海景,空間感非常充足,而且房間主要用了木色來做主色,感覺舒服,像回到家一樣。不過她笑言兒子在早上6時半已經叫醒自己:「依然一樣咁疲累。」
為了好好放鬆心情,她享用了60分鐘房內按摩療程,以及與兒子於豪華水療式浴缸浸浴,非常識歎。她叫老公拍下母子二人背景,將將相片上載到Instagram,大讚與兒子浸浴再看美好風景令她非常好心情。
不過相片惹來網友熱議,大家反應兩極,有網民覺得伯伯已經有基本男女意識,母子不應一齊洗澡,覺得反感:「其實真係唔好再同個仔一齊沖涼,佢已經有意識,影響唔好」「大個仔了仲同媽咪赤裸相處」。甚至有網民在討論區撰寫帖文,擔心會影響她兒子的道德觀念:「可悲」、「你個背好性感喎!」、「佢個仔以後可能以為其他女仔都會咁Casual(隨便)」。亦有網民表示母子一齊浸浴沒有問題,問題在於她公開自己與兒子的浸浴照。
![林芊妤分享母子浸浴照被網民鬧爆](https://imgs.sundaykiss.com/wp-content/uploads/2021/09/6e02c7af-14bb-48c7-b0e7-3de0cd49455e_213353905761486315384de-1024x931.jpg)
粉絲力撐正常生活一部分
但她的粉絲力撐無問題,反而覺得張相展現出親子樂,是正常小朋友與家人的生活一部分,叫她不用理會其他人的指指點點:「批評別人不如先顧好自己」、「我睇到呢張相只係諗到靚景靚媽同埋好溫馨咋喎!點解某啲人會覺得色色嘅呢?父母同孩子之間嘅感情同埋感覺係好pure,如果有邪念嘅唔該去睇吓心理醫生啦!」。亦有粉絲指只要教得好,仔女懂得控制自己,有正確道德觀念就沒有問題,批評部分網民思想保守:「咩都唔畀佢知,只會令小朋友因為好奇而做錯事。一齊沖涼只係講緊身體完全未發育嘅階段,根本唔係咁污糟不雅。」林芊妤表示認同。
有人就將焦點放於伯伯的背景上,大讚他很強壯,年紀輕輕已經有背肌,身形好有線條:「BB感覺很強壯了」、「肌肉最似你」、「點解我見到BB有肌肉咁犀利」,連Lucy媽媽都話伯伯肩胛骨有肌肉,林芊笑言兒子做運動多,的確有肌肉,最似爸爸。
![林芊妤 粉絲力撐正常生活一部分](https://imgs.sundaykiss.com/wp-content/uploads/2021/09/fa94f689-6e4c-49f2-a841-50bafc4675a5_1193441749614863102a44d-576x1024.jpg)
林芊妤澄清會教好兒子
林芊妤回應網友認為與三歲兒子浸浴有什麼問題,澄清會用適當方法教導伯伯正確觀念:「我真係睇唔出同三歲嘅仔浸浴有咩問題,不過每個屋企都有唔同嘅觀念,我會用自己認為適當嘅方法去教導佢,但我都好想講男&女嘅身體唔一定同性&色畫上等號。呢張相我只係聯想到好lovely Thanks for understanding.」
![林芊妤澄清會教好兒子](https://imgs.sundaykiss.com/wp-content/uploads/2021/09/7a5294d1-83b3-411d-bd6c-327cce06ca08_1089013527614860245fa23-993x1024.jpg)
林芊妤同邊個男人去酒吧玩?
事緣有網民於林芊妤Instagram留言聲稱於中環蘭桂芳見到她與外國男士玩,該男士…詳情請看
點解林芊妤分享母子浸浴照都被網民鬧爆?
相片惹來網友熱議,大家反應兩極,有網民覺得伯伯已經有基本男女意識,母子不應一齊洗澡,覺得…詳情請看