Costco+山姆3大原因稱霸內地 7千間傳統超市陸續倒閉

內地傳統超市生意慘淡「拍烏蠅」 每年倒閉690間

剛剛迎來元宵節，不過內地傳統大型超市永輝，於2000年落戶福州屏西區的全國第一間店舖則在這天結業，不少民眾都趕來掃貨。據內地傳媒報道，去年為止永輝超市至少有29間分店結業，而家樂福則多達147間。當中國家統計局數據顯示，2012年內地的傳統超市的店鋪高達1.2萬間，不過隨後慢慢減少，去到2021年，在這9年內已經減至約5000間，平均每年倒閉690間，情況非常誇張。

倉儲式會員制超市3大原因賺到笑

而另一方面，山姆、Costco這類的倉儲式會員制超市就搞得風生水起，前者在內地有46間門市，官方更預計未來會再增設6至7間分店。值得一提是，光顧這類型的超市其實是有門檻的，他們只允許會員進入，或由會員陪同進入，會員年費由百多元至300元人民幣不等，加上分店大多不接近市中心，卻能夠大規模崛起與3大原因有關！

有分析認為，主要與商品種類豐富、性價比高以及服務質量好相關。例如，每家超市都推出獨家的主打商品，並慷慨地供顧客試吃。有些超市甚至提供免費的眼睛和聽力檢查服務，這讓顧客覺得會員年費物有所值。據預計，該行業市場規模今年預計將達到388億元人民幣。

網民唔睇好：咪又係啲所謂網紅吹捧！

就事件引起不少網民討論，有網民表示：「佢收你年費已經有一筆固定收入，你比咗年費你一定去得唔好嘥，啲嘢啱又繼續比年費」、「當你只係想買一包餅嘅時候，就一定唔會去山姆」、「香港大部份人住豆腐潤咁細間屋，點囤貨呀」、「沒有香港人，深圳早就玩完了。」、「路係自己揀，之後可以獨市，坐地起價」、「一窩蜂，要睇下做得幾耐先講？啲所謂網紅吹捧，啲人見到人排我又排隊，心態係唔好執輸，買一堆垃圾或未必等使嘢返去，買多幾次就未必再買。」、「以前香港都有大型超市，服務太好，無條件幾多天退貨，價錢好抵，點知佢唔多賺錢，最後在香港區結業」、「疫情期有幾多人去行超市？加上有網購，門店衰落係必然……」