Eric Kwok郭偉亮公開夫婦做過最黐線事！坦言曾出軌 與葉佩雯靠咩化解感情危機？
郭偉亮大爆同老婆做過最黐線一件事
郭偉亮性格一向貪玩愛說笑，想不到對著老婆Grace同樣「爛玩」，對方更成為被整蠱對象。早前情人節，他就在社交網自爆曾與Grace拍拖初期做過「最黐線的事」，笑指要問准對方才可對外公開，又言：「不過呢單嘢大家聽完，應該唔會失望…」
他以長文分享21年前與老婆的趣事，他指當時Grace只有20歲較容易信人，尤其是自己，所以只要他所說的Grace就會信，而他為挑戰Grace對自己的信任，決定講一個好荒謬的大話，就是聲稱自己有四個肛門：「呢件事糾纏咗好幾個月，每次我無着褲嘅時候，佢就話一定要望吓。我每次隱隱約約咁，佢又好見到又見唔到。有一次佢話又好似見到有兩個，我就扮到更加無奈咁，但每次都無畀佢睇晒，一拖就拖咗幾個月。」
他續指事隔一年後，Grace因可一睹奇景而無比興奮：「件事越撲朔迷離，而我每次都堅持話係真嘅，佢就覺得越係真。隔咗一年佢真係相信我有四個屎忽窿。終於有一次我決定要將呢個謎底揭盅，我就企咗喺張床上，剝咗條褲畀佢檢查，佢興奮到不得了，聽咗成年嘅秘密終於可以親眼證實啦。」他寫道檢查時更有意外驚喜：「佢塊面烏到好前，貼近我個屎忽，帶住副眼鏡擘大個口，好仔細咁檢查，就喺呢個1 cm嘅距離，我咁啱又有喎，就放咗個好大嘅屁喺佢塊面上。我諗冇乜人可以喺呢一個距離，無着褲，將一個好熱好熱嘅屁完完全全咁放晒喺佢嘅愛人臉上，記住Grace當時係擘大個口，佢全部接收晒。」
他表示，自此之後Grace為了報仇，每當他熟睡時都會將自己的屁放在自己手上，然後再放在他鼻上。然而，對相當貪玩的他而言，這個報仇方法完全不入流，不過他認為最重要是讓Grace因為報到仇而感到舒服。他一直都覺得這個故事很震撼，但令他最震撼的卻是事隔多年後Grace同意讓他分享這件事，他認為Grace比以往豁達和幽默，他笑指：「人真係可以變，仲可以變好，呢樣嘢我先至覺得係最震撼，唔係我有四個屎忽窿。」
Grace就事件在他的社交網留言：「你好大膽呀！竟然講出嚟！你今晚記得唔好瞓覺呀！我會送個有味嘅情人節禮物畀你，睇路呀，呢單嘢係痴線嘅！我諗我第時老人癡呆，都會記得呢件事！永世難忘！個股暖流噴喺塊面度，仲要係臭㗎！都係怪我太信你啦！」不少藝人都紛紛留言，大指他們的情趣十分另類。
擔心比老婆先行一步
另外，郭偉亮最近推出新歌《等埋你》，以「生死」帶出另類愛情觀 – 不要被死亡的恐懼控制了人生，只要有愛就沒什麼可怕。就歌曲創作，他找來七仙羽師傅為歌曲加持，他笑言怕歌內多個「死」字會不吉利，擔心自己唱完這首歌後會有生命危險。七師傅即說百無禁忌，又指Grace樣子漂亮，叫他提前幫老婆找個好男人就不用擔心，他聽到後放聲大笑。歌詞中一句「擔心早一秒斷氣 ，照顧你再沒權利」，而現實中，他表示自己同樣擔心自己會先行一步，未能照顧好老婆，可見他絕對是個好老公。
娛樂圈中相遇相愛
郭偉亮老婆Grace比他年輕6年，當年成為小室哲哉首位香港小室家族成員，與容祖兒、何嘉莉被合稱英皇三小花，在歌唱和演藝事業都發展順利，往後4年，她推出的大多歌曲均打上榜成冠軍歌，首張大碟銷量已達金唱片，另外她曾於《創世紀》第1、2輯飾演羅家良細妹，戲份頗重。其後她與郭偉亮拍拖，漸漸淡出幕前。由於TVB經常重播《創世紀》，她每次都會逼他看一次。郭偉亮曾接受傳媒訪問笑言：「佢逼我看咗三次…之後好期待她死，因為死就代表演完，唔使再睇。」
2011年，郭偉亮在自己樂隊Swing的最後一次個唱中，跟Grace合唱後，在近萬位樂迷前單膝下跪，送上88支玫瑰求婚，當時他更一早安排律師在場簽紙註冊，以及邀請謝霆鋒、陳奕迅、黃偉文、何超儀等一眾兄弟好友見證，事件轟動一時。
郭偉亮曾出軌 老婆偷食還擊致關係破裂
正當人人都以為他們是模範夫妻時，二人就曾於2015年在TVB節目《蜜月到訪》上透露，其實他們都曾試過關係破裂。Grace表示，二人同居初期經常吵架，女方會飛刀、剪刀和玻璃杯等，而男方脾氣同樣暴躁，坦言有次見到Grace拿著刀像癲婆一樣，便一巴掌摑下去讓她清醒，這是他這輩子第一次摑女人：「我一巴星埋去叫佢醒吓。」
不過，令到二人關係差點破裂卻是因為出軌。他指，曾對Grace失去感覺，並經常在朋友面前嘲笑她，最終出軌。對於這件事，他表示後悔莫及，表示自己雖做了男人想做的事，但卻無法彌補破壞了的信任：「我無做而結婚會唔死心…破壞信任，無法彌補。」Grace為了報復，選擇與另一名男士發生關係，關係持續九個月。他認為那段時間最艱難，因為當發現後便經常猜測對方到底是出外工作，或是跟情夫見面。最後，二人決定放下怨恨，要原諒對方曾犯過的事，重新愛上對方。
感情重回正軌攝錢玩尋寶增刺激感
現時郭偉亮不時都會對外讚揚Grace，又學會表達對她的愛，如多溝通、跟其他女生保持距離等，最重要是要兌現不會再出軌承諾，看AV解決。就算跟女演員拍床戲，增加對方安全感都叫老婆監場，甚至在家中不同地方放不同面值的港紙，只要老婆找到就送她，非常刺激；而葉佩雯也會盡賢內助責任。相信曾經的感情破裂，讓他們都有所得著，令感情慢慢回到正軌，彼此也更珍惜這份感情。
