Fit爆靚媽晒泳照陳敏之囝囝愛玩水鴨仔陪沖涼

Oct 16 2017

現年38歲的靚媽陳敏之在去年12月，誕下兒子雷子樂（乳名：雷冬至），一向身材Fit爆的敏之產後極速收身，變番「索腿天后」，着泳衣當然零難度啦！日前颱風「卡努」襲港，敏之貼咗幾張泳照話想念陽光與海灘，好多網友大讚佢身材FIT爆！其實敏之囝囝同媽咪都一樣最愛玩水，原來平日洗白白都要有黃膠鴨陪沖涼呀！

撰文：SUNDAY KISS

圖片來源：陳敏之Instagram、新傳媒圖片庫

陳敏之Fit爆靚媽晒泳照

日前颱風「卡努」襲港，更掛起8號風球，不用開工的靚媽陳敏之在Instagram上載幾張泳照腰騷玉背，她留言道：「在打風的時候….特別掛住同陽光玩遊戲的日子！」不少網民留言讚敏之性感而且身材好弗！

敏之愛出海，佢囝囝子樂都一樣愛玩水！敏之日前於IG動態分享囝囝洗白白的情形，見子樂不停拍水，又大玩浮在水中的鴨仔，好開心！

除了洗白白，敏之又分享囝囝食飯的情形！子樂雖然有啲扁嘴，但好快就張開口乖乖進食，真係聽教聽話！

敏之好有愛，平日不用工作最愛在家陪兒子玩玩具，日前子樂成功把數塊木插進木桿中，即大笑露出開心的笑容！

早前陳敏之首次帶住囝囝雷子樂出席公開活動，僅9個月大的子樂不怯場，仲相當精靈，問到會唔會畀囝囝拍廣告？，敏之話唔想囝囝成日出去工作，始終小朋友讀書最緊要，拍廣告當係做個紀念，等佢大個可以睇番，而賺到的錢會撥入教育基金同做善事，敏之更說囝囝長大後會帶他去做義工！

關鍵詞