叱咤2024｜內向Ian陳卓賢罕談父母 屬「難湊小孩」成長背景曝光

媽媽是家中經濟支柱 Ian陳卓賢感激外婆、媽媽湊大

Ian曾接受商台節目《雲妮鍾情》的訪問中透露自己的成長經歷，他指家中有幾兄弟姊妹，但由於當時家中經濟環境欠佳，所以媽媽是家庭經濟支柱，他說：

「媽咪犧牲曬個人嘅休息時間，返幾份工，喺我幾兄弟姊妹嘅成長過程當中，媽咪付出好多，亦都好辛苦，所以我想藉住呢個機會，好好咁多謝佢，同埋多謝外婆。」

Ian坦言與外婆的感情的確很深厚，因為他是由外婆湊大，自幼稚園起便開始接他返學放學，與外婆關係密切 ：

「我學完跆拳道，想食碗仔翅，一扭外婆計，佢一定買畀我；而且我會成日撓住佢隻手，或者搭住佢膊頭，但我嗰陣時比較矮，搞到佢成日投訴我，搭住佢膊頭好辛苦。去到今時今日，我哋都會講番呢啲事，跟住佢就話『而家高大啦，搭住我膊頭就啱啱好喇』，佢一路講，一路攬住我條腰，每次諗起自己成長中有外婆，我好感恩。」

Ian自小由外婆、媽媽照顧，所以一直好重視她們：「我嘅生日係用嚟紀念媽媽好辛苦咁生我出嚟，我會令你感到驕傲。」

相關新聞：女金林愷鈴才貌雙全 超強學歷背景曝光 憑實力搣甩「龔慈恩個女」

自認屬「難湊小朋友」 全家人都好內斂

此外，Ian曾在MIRROR亞博演唱會中，個性內斂的他用了12分鐘趁機感謝父母，出身自傳統家庭的他坦言全家都很少講話，個性內斂：「我哋平時唔傾偈，屋企食飯都係，唔開電視又唔講嘢，隻蚊飛過都聽到。 全家又比較內歛。」

Ian感激父母辛苦工作養大自己，又指勤力是遺傳自父母；他又透露自己屬「難湊小朋友」，「好似獨仔咁長大，好多謝佢哋（父母）嘅忍耐同栽培。」

Ian 同時感謝父母的教育：「爹哋媽咪嘅教育令我永遠都知道可以點樣去進步，令我有一個不卑不亢嘅座右銘喺心裏面。」父母亦默默支持仔仔的音音樂，「永遠都係同我講，唔緊要，你自己選擇，負番要負嘅後果、問心無愧，盡力去做就得喇。好多謝你哋嘅教育。」

故意不做功課有原因

Ian又透露自己喜歡挑戰制度， 小時候經常故意不做功課，他認為：「做功課係話俾老師聽我學識咗呢個知識喇；但我就覺得，我學識咗唔使話畀你聽，我唔識先要問你㗎嘛！」

因此他便故意不做功課，並於考試時特別用心考取高分，「你睇下，我識呀！」，他坦言「湊大我唔係咁容易」。

相關新聞：女金林愷鈴才貌雙全 超強學歷背景曝光 憑實力搣甩「龔慈恩個女」

Ian陳卓賢就讀Band 1英中 擁多位著名校友

現年31歲的Ian陳卓賢曾就讀為長沙灣天主教英文中學，是深水埗區內唯一一所資助男校，是一間Band 1英中， 這所學校特別注重學生兩文三語教育，並以優異成績聞名，其學生在公開考試中表現出色，大學升學率高達80%。校友中不乏知名人士，包括資深傳媒製作人蔡楓華、音樂創作人周博賢、前立法會議員陳家洛以及作家喬靖夫等。

Ian陳卓賢曾是排球港隊曾返母校贈波鞋球衣予師弟

中學時的Ian曾先後成為排球、田徑及籃球校隊隊員之一，更考獲跆拳道黑帶。畢業後曾返母校探老師，曾是排球隊成員的他帶了一批波鞋和球衣，送給排球隊的師弟們。原來當年身高181CM的陳卓賢中一時參加排球隊選拔落敗，苦練一年後在中二終能加入校隊，該時校內排球隊在學界比賽多次奪冠，成績非常優異。中學畢業後，他入選香港男子排球代表隊隊員，以及南華排球隊甲一隊員。

2018年，他參加《全民造星》奪得亞軍，決心專注發展演藝事業而退出排球港隊，入行第一套劇《男排女將》都是飾演一名排球員。他曾感嘆：「以為入行後都唔會再掂排球，可能係緣份，第一套拍嘅劇就係打番排球，拍嘅時候勾起好多以前打波嘅回憶，選拔被淘汰，輸比賽後無心機練波，隊友開始忙工作要退隊，我諗《#男排女將》都真係我打咗十幾年排球嘅一個小總結。」

Ian陳卓賢畢業於長沙灣天主教英文中學

Ian陳卓賢曾就讀的長沙灣天主教英文中學是一間政府資助的英文男子中學，一向是區內Band 1名校，因為很多中一生本身就是來自第一組別小學！所以在深水埗區中都是頭十的常客，今年就排第十名。而學校亦是獲政府選為八間資訊科技增潤計劃學校之一，故此學校的STEM發展已十分成熟，在不同的機械人公開賽都獲獎不少。學校的老師更是獲得不少榮譽，因為多名老師曾受頒行政長官卓越教學獎，是香港教育界中的最高榮譽，可見學校師資優良。該校體育成績非常卓越，而校內有一個傳統，就是長跑文化，結合STEM發展，學校就有植入電子晶片計時器系統的泰坦跑道，所以不少學生都是長跑高手。

Ian陳卓賢勁唱得

Ian陳卓賢算是MIRROR中比較唱得之人，出道至今有多首單曲，包括很受樂迷歡迎的《二期大樓》、《另一個諾貝爾》、《背伴》和《DWBF》等。另外，Ian陳卓賢也有參與作曲部份，其中MIRROR隊員Anson Kong的《蝸牛》也是出自Ian陳卓賢手筆，獲不少網友大讚「才華洋溢」。而Anson Kong和Ian陳卓賢《蝸牛》合唱版也取得Chill Club年度十大歌曲之一。2021年是MIRROR輝煌的一年，在多個頒獎典禮內奪得組合獎，成員們又各領風騷音樂成績亮眼。即將是叱咤樂壇流行榜頒獎典禮，除了MIRROR是最佳組合獎大熱，當中Ian陳卓賢、三子更與軒公同爭「叱咤樂壇我最喜愛的男歌手」。

早於情人節﹐Ian陳卓賢推出歌曲《留一天與你喘息》，MV在YouTube的點擊率上架半日，更已累積超過30萬，截至今日已逾1200萬萬點擊，先後成為在新城勁爆本地榜﹑ViuTV的CHILL CLUB推介榜的冠軍歌，日前亦成為叱咤903專業推介的冠軍歌，相當厲害。同時他亦成為MIRROR第五位打入美國網站TC Candler「全球百大俊男」提名的成員。

相隔不足三個月，Ian陳卓賢在MIRROR YouTube Channel上架第二首派台作品《Got U》。他在社交平台宣布出新歌，留言：「Cuz I got U」。MIRROR隊友AK江爗生鬼馬地留言：「明明係GOT II」

Ian陳卓賢入叱咤最喜愛男歌手5強年紀輕輕有生意頭腦

音樂事業以外，Ian陳卓賢亦有生意頭腦，早在MIRROR成軍之前，已開始創立個人服飾品牌indipandant。當然，他不但自己穿上品牌服飾，更不時請成員幫手，為品牌帶來不錯的宣傳。另外他曾投資健身中心（已退出生意），早前更買MonkeyKingdom系列的NFT，這系列開售價為加密貨幣 0.49 SOL（約$700港元），現在平均一個NFT升值到60 SOL（近$9000港元） ，升值過百倍，是近年新興的投資。

Ian陳卓賢29歲生日曬童年照 過千Fans九展為偶像慶生

7月9日是Ian陳卓賢生日，他在Instagram上載以前臉圓圓的童年照，非常可愛。除此之外，隊友們都紛紛在Instagram限時動態為他祝賀。如Anson lo用文字祝賀，同時表示期待他的新歌；Frankie與他的大廈外牆廣告「合照」；Tiger上載台上表演的花絮相；Anson Kong公開二人頹爆look合照反擊：「當日你用呢個造型祝我生日快樂！」，又將Ian陳卓賢落妝後的相片曝光；Stanley更加壞，公開Ian陳卓賢用多張化妝綿敷臉，同時爭取時間剃鬚的搞笑模樣：「呢條片每年都要拎一次出嚟」。

另外有近千名Hellosss齊集九展生日展覽跟他賀壽，人數足足逼爆四層樓。他還跟同全球Hellosss進行連線，於下午5時同海外fans連線一齊切蛋糕，話好感謝fans安排同祝賀，之後行去蛋糕前背台同現場Hellosss大合照。有Hellosss自發製作生日紀念品送fans，令現場人龍處處，就好似去咗嘉年華咁墟冚！除了九展展覽之外，Hellosss仲有在上環畫幅生日壁畫，另外當然不少得巴士生日燈箱牌。