港爸幫女撲BLACKPINK LISA飛 買錯Liza姐演唱會 結局曝光

港爸買錯汪明荃演唱會門票

現年77歲的資深藝人汪明荃Liza姐，將於11月再度踏上紅館舉行演唱會。 與此同時，來自韓國知名女團BLACKPINK成員LISA也計劃於11月在香港舉辦粉絲見面會。

在Facebook專頁「香港人有say」上，版主分享了他朋友的經歷。友人女兒是BLACKPINK成員LISA的粉絲， 當得知LISA將來港舉辦演唱會時，她便請求爸爸幫忙撲飛。這名港爸對BLACKPINK不熟悉，最終他在城市售票網上購買了兩張演唱會門票。女兒收到門票後，才驚覺門票竟是「汪明荃」的。

最後結局及女兒的感受

該名版主亦補充，最後已托友人幫忙另買BLACKPINK LISA門票予其女兒，又指事件並沒有影響兩父女的感情，「阿女亦都好happy 11月可以睇到兩個Liza/Lisa姐嘅concert」。

網民爆笑：囡囡可能入埋明荃之友

事件曝光後，引起了無數網民的熱烈討論，紛紛表示「搭緊地鐵笑咗出聲」、「係幾好笑」、「家英哥都笑醒」、「佢呀女睇完CONCERT 可能入埋 明荃之友」、「阿女吾啱就送俾阿嫲囉」。

部分網民就覺得「Liza姐曾經都係女團」、「都係（迷人）pink lady 啫」、「睇香港Liza姐仲正啦，可以睇到佢唱經過那些年」

此外， 許多人笑指其實是爸爸想汪明荃演唱會，「佢自己想睇啫」、「其實係呀爸自己想睇啫」、「借女過橋，想睇Liza好耐啦」 。

有人質疑事件屬「老作」

不過，有人則質疑事件真偽，「0分重作」、「好明顯老作」、 「香港汪阿姐點會寫LiSA啊？就咁試吓喺Safari打城市售票網Lisa ，都係出返BLACKPINK嗰個！不過都好笑嘅」。