M57製冷風扇有6大缺點 被指智商稅 反推2大降溫神器：包你全身涼

M57風扇仔全城熱賣！網民狠批6大缺點

近日，有特賣城推介M57製冷手提風扇後，成功吸引到大批市民到場購買，誇張程度甚至令相關的店鋪提醒顧客，製冷手提風扇要在特定的時間才能購買得到，似乎相當受市民歡迎。

近日有網民購買後在Facebook專頁「風扇仔關注組 (手提風扇仔/ 製冷風扇仔/ 便攜充電風扇/ 移動冷氣機討論/ 一二手買賣)」發表長文分享用後感，當中直接以「智商稅」去形容，6大缺點分別如下：

M57風扇6大缺點｜1.風力普通

樓主形容M57製冷手提風扇的外型與傳統闊大扇葉的設計截然不同，因此會出現「送風柱好窄
夠吹塊面，唔夠吹個身」的情況。

M57風扇6大缺點｜2. 製冷能力非常雞肋

M57手提風扇所謂的製冷位置，就是正中間只有一蚊硬幣大小的鐵片，因此樓主直言：「但可凍的位置細，夠凍你兩粒lin幾下」隨後鐵片的溫度又會因為體溫而變高，因為表示：「用嚟凍身呢個功能好戇X，因為凍得身來又吹唔到你body」

M57風扇6大缺點｜3.續航力不能夠換電成為最大問題！帶出街用一陣就變成負累

M57風扇6大缺點｜4.長時間使用「製冷」功能後關機，鐵片會發熱

樓主認為與「熱倒流」有關，意味使用期間M57風扇會發熱，因為需要更多的電力去抵銷「製冷而發熱嘅能量」，因此樓主表示：「你可以想像下件事係幾嘥電」

M57風扇6大缺點｜5.有其他更好的選擇 網民力推2款降溫神器

樓主分享如果想要類似的散熱涼快效果，可以到特賣城購買噴霧：「入水出街覺得好熱時，噴一噴個身，然後吹，包你覺得全身涼，或用冰涼紙巾抹下個身，攝喺頸後再吹風扇」

M57風扇6大缺點｜6.風速調節設計不足

原來M57風扇的風速調節有100檔，不過在街上開到60檔時，就算距離臉部20-25cm，卻感受不到風力「有一半時間，都係feel唔到佢有風，我不斷試個距離後，發現佢風力同風量唔夠，所以喺街行，條街有少少風都吹得散佢個風柱」；此外，還認為這個設計相當多餘：「每次開都要慢慢等佢由1上到100」。

最後，樓主更在價錢、風力、風量等等的細節上逐一評分，在5分滿分入面，M57風扇僅獲2分，當中的結論僅3粒字「不要買」。

M57風扇6大缺點｜網民激辯「已中伏」VS「係你唔識用」大推F30手提風扇

帖文出街後，引起不少網民熱烈討論，有人認同樓主的講法：「前日係深水埗買咗，咪中伏囉，買時都有試用過，但諗得唔夠清楚，就係好似你咁講，凍得塊面又凍唔到個身」、「唔好咁大期望，喺熱嘅地方就熱，喺凍嘅地方就凍」、

此外，期間也有人推介有需要人士購買F30手提風扇，「加咁多野一睇就知係智商稅，唔怕嘈嘅買返把F30算啦！頭都吹甩」

不過亦都有網民為M57風扇仔平反：「喺華強北見到試咗下，右邊個掣撳到50%風力都好勁，上到100%更加勁，風力麻麻係你買錯定唔識用？」、「首先唔好覺得係出冷氣，白色嗰款無鍍膜會好啲，天氣好熱嗰時貼落條頸度勁有用」、「嗰粒野係用嚟凍風，唔係用嚟凍身㗎」。