人人「移民」MeWe！3步教你設定MeWe繁體中文介面
個人私隱同言論自由不嬲都係全球所關注嘅問題，但近日Facebook小動作頻頻，先後喺主平台及Whatsapp動刀，最受人關注當然就係早前宣布社交媒體Facebook及Instagram將凍結美國總統特朗普帳戶時間延長最少兩星期，直至總統權力交接完成。令唔少網民開始擔心連個人平台發表言論自由嘅問題，事實上Facebook打壓言論自由已經唔係第一日嘅事，近年身邊唔少朋友都因為言論而受到大小不同嘅打壓，包括禁止發文以及封鎖帳號等，甚至檢舉成風都係Facebook平台現有嘅問題，所以早前唔少朋友都跳至MeWe開闢另一片天，但因為英文介面令唔少人卻步，今次佢哋終於收到大家嘅聲音，推出繁體中文全介面，設定更改為中文(香港)，幾個簡單步驟就可以設定好。
步驟1.
首先喺畫面右上方撳一下你嘅「頭像」>「Settings」
步驟2.
喺右上方「Language」度撳一下「English」
步驟3.
再喺撳一下「English」撳選「中文(香港)」即可。
提提大家暫時只支援網頁版全中文化，但相信手機版好快都會推出，大家不坊申請定個Acc一齊期待下。
同場加映
MeWe教學懶人包！近來唔少朋友都話要離開Facebook，轉投大熱嘅社交平台「MeWe」。雖然暫時MeWe就只有英文介面，不過繁體中文介面會喺短期同推出！想知點用又怕難？今次就為大家帶嚟MeWe教學懶人包，超簡單3步開戶教學！有咩必入Group Link？即刻睇睇！
