Patrick Sir為愛犬身亡泣不成聲 質疑狗酒店責任 掀雙方網民罵戰
不少網民看到報道後均表示痛心，希望Patrick Sir能公開狗酒店名字，並一定要追究到底；但同時亦有大批網民留言痛斥，指「狗酒店從來都信唔過，仲要隻狗咁老，係你哋害死佢，養老咗嘅狗仔根本連旅行都唔應該去」，結果雙方意見不同的網民展開激烈罵戰。
Patrick Sir爆喊伸冤 做錯一步與家人天各一方
Patrick Sir愛犬Don Don一直活躍於主人的社交平台，以前常看到Patrick Sir與太太常分享一家四口的快樂時光片段，Don Don雖然已14歲，但依然精靈活潑，猶如「電兔」一樣，經常跑跑跳跳。惟Patrick Sir在《東張》內表示6月帶Don Don住狗酒店，但住宿期間遇上意外，正當一家開開心心接回Don Don時，發現Don Don雙腿癱瘓難行，獸醫更指Don Don接近5級癱瘓，更有椎間盤突出，做了2次手術，住院近乎一個月都無法救回。太太更指Don Don最後的日子每天活在痛苦中，每日「痛到不停喊同嘔」，畫面相當痛心。
網民傷感望公開狗酒店資料 竟惹來相反意見人士痛斥
網民得悉消息後，表示相當痛心，更指「一定要公開係邊間狗酒店，以防再有受害人！」、「狗狗有口難言，你一定要代佢找回公道」、「心痛死，一定要討回公道還Don Don一個交代」、「無良狗酒店，一定要開名」、「絕對支持，一定要追究責任到底！」。
網民反怪Patrick Sir夫妻：養寵物根本唔應該去旅行
另一邊廂，有大批網民責怪Patrick Sir「點解要將隻14歲老狗仔放狗酒店」，認為責任完全在於他身上，更指「老狗真係要好多時間同心機照顧，我狗仔17歲，我為咗佢連旅行都唔會去，老狗好需要陪伴，我會放棄去玩都要陪佢」、「不論狗仔幾多歲都唔會放去狗酒店，你會將自己隻狗當家人，人哋出邊打工理得你死，就咁送佢去三五識七嘅地方，佢哋都會驚。無家人或朋友幫手睇到就唔好離開佢啦，追究都無用」、「養寵物根本唔應該去旅行，真心唔明D人點解仲可以放心交自己條命根去狗酒店，仲要係老狗，唔去旅行你唔會死呀嘛？等佢百年歸老你想去邊玩乜都得啦，你而家喊盲雙眼都無用，係你害死佢」。
然而，有網民看到責罵聲音後，即留言斥「成班戇X喺度blame the victims都幾黐線，香港人特色」、「講到養寵物要24 x 7貼身照顧，離開一步都唔得，咁係咪工都唔使返」、「無養狗嘅人講嘢都幾無良同無良心」；對方即反駁「作為一個主人，明知隻狗咁老，正路都叫家人幫手睇，自己害死隻狗仲公器私用。兩個仲成日笑笑口話要兼顧角色唔可以傷感，調轉返如果係人類出事，你會唔會話要兼顧主人角色唔傷心？」、「我哋好多人養狗，隻狗老咗係點都唔會旅行去玩，扔低佢一個」！
有人自認為狗酒店前員工 數6點稱「事實真相」
除了罵戰火力全開，亦有自稱為「寵物X妝」前員工留言，指事實真相涉及疏忽同埋管理不善，指：
- 1.閉路電視有幾個重要位置壞
- 2.場地根本不達照顧動物要求，地下是瓷磚
- 3.寵物受傷沒有即時通知主人
- 4.職員過往有暴力行為記錄
- 5.人手不足，只請兼職，沒有照顧寵物經驗
- 6.管理習苛刻
不過由於Patrick Sir夫婦還未公開狗酒店名稱，對於事件亦無再多回應，因此真相如何仍有待查證。
