貼心港男陪女友食五星級酒店下午茶做錯呢件事瘀爆全場！

Oct 31 2023

女仔都喜歡打卡拍照，如果可以配上美食的話就更加加分，而男朋友陪女朋友去High Tea，都會被稱之為絕世男友才會做的事！日前就一名港男於LIHKG討論區發帖訴苦，指自己帶女朋友到Rosewood High Tea時，因為做錯一事而被餐廳侍應呼喝，令到女朋友全日黑面相待，令他感到十分無奈，帖文一出，不單未有獲得同情，更反被網民嘲笑指：「你當人哋5星級酒店係茶樓咩」，直指港男應該檢討自己，而非責怪他人。

港男帶女朋友到Rosewood High Tea超失禮　做錯1事被侍應喝止

港男於LIHKG討論區上分享指，自己與女朋友到Rosewood High Tea，由於一位難求，因而可以成功預約到本來超開心，「女朋友食完鹹點，話去洗洗對手仔先食甜點，我就諗住做Gentleman拎隻碟出來甜品餐車夾定甜品，等女朋友出嚟有得食，諗住今次實無死」，豈料當港男夾起蛋糕時，有侍應突然阻止他，並指會推餐車到他們枱前，再招呼上枱，命港男回座位安坐。港男指「成間餐廳都望住我，真係X到想搵窿捐，女朋友仲要喺遠處目擊到侍應叫我坐返低，佢碌大隻眼呆X咗，坐低仲問我what have you done again，之後成程tea 黑晒面，一言不發」。

High Tea rosewood 下午茶港男指正是面前幾款甜品出事 — 港男指正是面前幾款甜品出事（圖片來源：討論區截圖）

港男續指，自己對此毫不知情，並稱「X！你架甜品餐車放喺路邊，鬼知你會一枱枱咁serve咩，我以為係自助餐咁嘛」，對此十分不忿。而網民看到事主分享後，表示「吓，乜唔係自己拎咩，我上次自己行埋去拎咗幾碟，不過侍應唔喺餐車隔離」、「原來係你，嗰日同條女去食見到條友出去夾嘢，俾人話完頭dup dup 返埋位，坐佢對面條女塊面仲黑過包公」、「你女朋友其實都幾衰，你畀人話完佢仲要再話多你一輪，覺得你失禮佢，但最後咪又係你埋單」、「正常個職員會入座前講下個流程，感覺係安排唔好」。

rosewood 下午茶港男指原來在Rosewood High Tea，甜品車並非自助 — 港男指原來在Rosewood High Tea，甜品車並非自助（圖片來源：小紅書）

網民：你當5星級酒店係茶樓咩

不過，亦有網民指「女朋友黑面都黑得啱，你知唔知Rosewood High Tea難Book到點，難得食到都要咁瘀」、「你當5星級酒店係酒樓咩，自己夾，睇Rosewood級數都知咩都等人Serve啦」、「大鄉里出城，學精D下次唔好，真係失禮」、「酒樓都好耐無見點心車啦，師兄咩年代」、「你不如行埋出去問佢沙律吧、熟食吧喺邊」。