TVB《尋人記》追訪30年前消費騙案苦主！廿萬買縮水樓/求退貨收恐嚇電話

原文刊於：新假期 ｜撰文：Mila｜圖片、資料來源：TVB節目《尋人記》｜編輯：Sunday Kiss

苦主1：買新冷氣冇雪種 退貨後收恐嚇電話

苦主鄧先生當年以$4,100的價錢訂了一部進口的冷氣機，點知店員以無貨為理由氹佢轉另外一部，後來發現進口貨竟變本地產！更離奇嘅係部冷氣開機都唔凍，檢查後發現原來裡面根本冇雪種！鄧先生據理力爭，加上電視台採訪及消費者委員會幫忙，終於可以拎返冷氣機錢。不過後來就收到疑似電器舖背後惡勢力打來的恐嚇電話：「你好嘢！」，好彩後來咩事都無。

苦主2：當年「縮水樓」撼贏依家「納米樓」

以前的售樓書規管無咁嚴格，一度出現圖則比例不符的「縮水樓」，擠逼程度可以形容為：「一入房就已經上咗床，一落床已經出咗廳」，苦不堪言。

林小姐就係其中一個苦主，佢買樓比人呃後仲要俾朋友笑，方東昇搵返30年後的苦主，原本唔想做訪問的林小姐，都成功比方東昇氹到，半推半就邀請攝製隊上屋企接受訪問！原來個陣林小姐都算好彩，等咗2-3年發展商原價回購單住，而家住喺200多呎的單位好滿足，更笑言睇返片段後發現該單位比起依家嘅「納米樓」更好。

苦主3：牛奶放30日發臭可以換錢

90年代有一單「牛奶種菌案」轟動一時！係香港早期嘅層壓式騙案。聲稱用高科技護膚品項目，要參加者買「種子」，再加入牛奶種30日，得出的發臭物體就是原材料，把原材料交給公司就可以賺取87.5%的利潤。

其後經化驗發現，「種子」原來只是脫脂奶粉。被揭發是騙案，老闆被商業罪案調查科拉咗去坐監，不過一班苦主就血本無歸。

方東昇再爆金句 道出普羅大眾之苦

方東昇本集金句：「世界上最大的空間，係進步嘅空間；最細嘅空間，係屋企嘅空間！」