「加油」如廢話 朋輩點救 自殺 同學
家長輔導睇新聞
香港撒瑪利亞防止 自殺 會主席周婉芬指出，23名自殺學生當中，學業壓力是主要原因，但每宗個案獨特，背後尚有很多成因，包括教育氣氛、父母對子女的期望、家庭困擾、抗逆力低及情緒病等，社會不應將事件單單歸咎「學業壓力」，以免引起「模仿效應」，「見到人哋因為學習壓力大自殺 ，我都好大壓力就跟住做。當然 自殺 唔能夠解決問題，只係逃避問題。」
她建議家長，應陪同子女閱讀有關新聞，加以輔導，以免子女靜靜模仿，「可以借呢個機會問小朋友：你呢排做功課辛唔辛苦呀？令佢哋覺得被關心，亦可引導佢講出唔開心嘅嘢。」
下頁：朋輩不需急於游說
朋輩不應急於游說
一句說話，隨時挽救一條生命。會方主任何永雄補充，在社交平台看到朋友發「不開心文」，不要再hea說「加油」、「唔好咁諗啦！」不如send個private message或致電問候，令朋友感到關心，否則寧願不留言。青少年不開心時，未必想朋友給予解決方案，只想有人陪伴及聆聽，但好多人太心急，一聽到朋友說不開心，甚至有 自殺 念頭時，就立即想說服他們：「阿邊個仲慘過你，你積極啲啦！我請你食buffet，明天會更好！」這些說話是沒用的，只會令他們覺得你唔啱channel，不會再向你傾訴，走入牛角尖。
當有求死念頭的朋友向你訴心聲時，不用心急，以引導方式交談：「人係求生唔係求死，點解要咁做？」嘗試了解他的心路歷程，「死係人生最大決定，你要諗清楚，死咗冇得返轉頭。」令求死者覺得你願意聆聽，會花時間再想一想。
求助平台
香港撒瑪利亞防止自殺會「真心話室」（網上平台）
開放時間：星期一至日8pm-2am
網址：www.help4suicide.com.hk
明愛青少年網上情緒支援熱線
開放時間：即日起至3月23日4pm-2am
電話及WhatsApp：5134 5514
facebook：www.facebook.com/caritashotline
