【100分媽咪】媽媽們，你哋好叻叻！
廣告
無人天生識做媽媽，妳以為妳唔合格，在妳孩子眼中，妳已經是100分的媽媽。
撰文、圖片：90後在職Cha茶媽｜編輯：Sundaykiss
【初生階段】妳可能會話……
媽媽：我又唔識幫BB換片、沖涼
＞放心，妳換多幾次、沖多幾次，包保妳可以做換片沖涼專家＜
媽媽：總係唔知BB喊啲咩？
＞同BB相處耐啲、估多幾次，你好快就會知道她其實想要咩？＜
媽媽：我餵唔到人奶。
＞餵唔到咪餵唔到，咪餵奶粉囉，寶寶健康成長就好啦，不是嗎？＜
【幼兒階段】妳可能會話……
媽媽：媽媽唔能夠俾到所有你要的嘢
＞俾晒他想要的可能變成縱容他，而且我相信母親給予孩子的，就是你所擁有最好的＜
媽媽：我總是大發脾氣
＞係人都有脾氣啦，你每次想對孩子發脾氣時記住：「個仔似自己！個仔似自己！」＜
媽媽：我唔識教仔。
＞無人天生會識教仔，等同無人天生識做仔女架嘛，慢慢學囉！＜
媽媽：點解人地個仔咁叻講到咁多野，我個個好似好慢咁，係咪我既問題？
＞人比人比死人，個個小朋友都發展不一，點解要比較呢？放鬆啲啦！＜
