【三年抱兩】31歲張名雅宣布順產誕子
廣告
12年港姐冠軍，31歲張名雅前年同圈外律師男友蔡錦豪（Joe）結婚，婚後火速造人成功，去年誕下兒子Mario，今年7月再次宣布有喜。今日下午，張名雅喺IG上載自拍照宣布順產誕子，三年抱兩，恭喜晒！
撰文：Chloe | 圖片：張名雅IG
31歲張名雅宣布順產誕子
張名雅同律師老公Joe結婚後，火速造人成功，去年誕下兒子Mario，依家囝囝已經1歲。今年7月，張名雅出席劇集《BB來了》宣傳活動時，宣布再次有喜，透露已懷了4個月身孕，BB將於12月出世。更大方公開二胎係囝囝，並已改英文名叫Milo。
昨晚佢喺IG透露準備生仔，仲留言：「See you soon Baby Milo！」今日下午，佢宣布順產囝囝Milo終於出世喇，仲喺IG上載咗自拍照，留言話多謝各位祝福！
大膽半裸曬肚
張名雅早前，喺 ig PO 出一張半裸孕照，雙手遮胸，側身挺住巨肚，露出成個背脊，既性感又有美感，仲留言話：「Never stop trying something new! 😉 The human body is the best work of art. More maternity shots coming… stay tuned（不斷嘗試新東西！人類身體是最佳藝術品。）」仲話呢張相已經係自己嘅極限，其他嗰啲會做私人珍藏⋯⋯唔通有影更性感嘅？
除咗影大肚相之外，張名雅仲同老公、大仔順便影埋全家福，曬吓幸福先！
大仔Mario仲學媽咪一樣，曬一曬性感。
