中文補習天王 張欣欣 矛盾爸爸
家長VS補習天王
近日「矛盾」熱潮掀起， 張欣欣 既是爸爸，又是補習老師，自己的身份也充滿矛盾，他坦言一直為此取個平衡，「唔同小朋友有唔同才能，有啲讀書天賦強，有啲就音樂、創意、運動等等，我教咗咁多年見到好多小朋友錯配才能，我問過啲小朋友想做咩，有人答運動員、設計師，但父母只想佢哋讀到大學，將來做醫生、律師，錯配才能下令小朋友學習事倍功半。我有咗小朋友之後，我都諗應該點經營角色呢？我領略到應做一個輔助角色，俾番個選擇權小朋友，當佢選擇咗個正確方向後，我就喺後面幫手。」
家長交了學費，你明知個學生「錯配才能」，但你都要盡力教導，「係，我盡量喺教學形式上適應番學生，上堂要留意唔同人嘅性格，用合適教材，例如見到呢班男仔多啲，應該鍾意打機、手機apps或者足球，我就多用C朗拿度、美斯等球星做教學主題，學生就會較易入腦，好過以前成日用小明、小強。」
張欣欣 執起教鞭十多年，見證學生年代的變遷，由從前快樂補習，變成人人低頭做功課，「問佢哋拎家課冊嚟睇，嘩！一日十樣八樣係閒事，小朋友補完習返去食飯，繼續做功課到11點，每晚都係。」學校之所以多派功課，他覺得家長都有影響，曾聽聞有家長向學校投訴功課少，是否老師偷懶？「有家長都問過我有冇額外功課，俾一星期功課佢個仔做都得㗎。」派功課絕不是 張欣欣 的教育目的，功課的原意是加強學生記憶，過量只會適得其反，補習亦然。「最重要令學生吸收到、易入腦，希望喺學生平時教育之內，加強佢哋學習能力。」這就是補習的原意。
下頁：官司纏身失業
官司纏身失業半年
輾 轉間， 張欣欣 轉到活學教育，達到教育生涯頂峰，直到前年，他由高處重重摔下，被活學入稟控告他在facebook專頁發表誹謗言論，令他頓失工作半年零收 入，但年邁的父母急需醫藥費，還要養妻活兒，官司纏身的他需套現資產，一時間背負莫大壓力，在庭上爆發並聲淚俱下稱：「我無錢呀！」
官司至今仍未完結， 張欣欣 坦言情緒或多或少受困擾，但老婆擔心才是最心痛，「始終女人會諗點算呀？嚟緊會有咩問題呀？我都要安慰番佢，其實我好辛苦，我都 係普通市民，想有安逸嘅生活，因為呢件事我都失業半年，期間又唔知點解有好多負面消息傳出，有啲係事實，但有好多都係無中生有，令我疲於奔命。咁啱囡囡出世，我又買咗層樓自住，份工我好需要，但我係俾人停課，我有好多學生由細教到大，學生都會感到好徬徨。」
半年後， 張欣欣 決定到其他補習社求職，卻得悉有人「唱通街」，要求全行不要聘用他，唯獨星河教育聘請，續執教鞭。「呢半年都係靠老婆養，但我身為男人都要有穩定收入，希望官司盡快平息。」
囡囡出世走出低谷
囡囡的出世，為低谷下的 張欣欣 帶來推動力，他感謝上天此時送贈一份大禮，改名「穎中」反映出他對囡囡的期望，「『穎』解作聰穎、出類拔萃，呢個字本身仲解 『禾的尖端』，希望佢做人有遠見，看得遠啲；而『中』唔係因為我教中文，『中』亦可以解內心，文言文成日話『有感於中』，我希望佢有中國人內斂嘅一面，兩個字加埋有揚又有藏嘅意思。」
教開中小學生的他，誕下B女後對幼兒教育產生了濃厚興趣，充滿新鮮感，「呢一年我都係邊湊邊學，我發覺自己除咗補習之外，對幼兒心理掌握多咗好多，學識好多嘢。」
