余思敏親子樂砌聖誕樹 力撐鄭中基聖誕個唱
廣告
余思敏在2011年為鄭中基誕下囡囡，兩年前再誕下囝囝，一家四口甚是甜蜜。早前，余思敏跟一對仔女一齊享受親子樂，為家中聖誕樹佈置，唔知有冇預爸爸鄭中基？余思敏仲十分支持老公嘅歌唱事業，不時喺社交網站分享老公演唱會嘅消息，絕對係Ronald「背後嘅女人」！
撰文：Sunday Kiss
圖片：余思敏Sammie Yu @Instagram
余思敏親子樂砌聖誕樹
余思敏日前喺社交網站分享照片，見佢同一對仔女一齊喺屋企砌聖誕樹，提早歡渡聖誕！不過就唔見老公鄭中基嘅蹤影，相信係如火如荼地為聖誕檔期演唱會準備當中！
細佬Evan同聖誕樹比起來像個小矮人一樣，十分可愛！
雖然6歲囡囡Emma已經長得十分高佻，不過樹頂嘅裝飾都係交由爸爸媽媽負責啦！
聖誕樹旁邊已經準備好禮物啦！
作為Ronald背後嘅女人，余思敏當然力撐老公聖誕檔期喺台北小巨蛋嘅演唱會，一個月前已經開始為演唱會倒數啦！佢仲十分支持老公嘅歌唱夢想，話要「一直唱落去」！
鄭中基（Ronald）早前曾在演唱會上表示：「以前我從沒有想過要生小朋友，我是浪子，浪子怎會左拉右拖？當了爸爸後，經常跟導演說要開早點，才可收早回家陪孩子！」原來Ronald同余思敏本來都沒打算生小朋友，但兩人拍拖一年後，余思敏意外懷孕，誕下女兒 Emma。
