「內向的人社交後要充電？」看馬戲表演中途睡著的男生
內向的人 看馬戲時睡著
我問Danny這兩天有沒有發生什麼事情，晚上睡得怎樣。他看著我想了想，卻沒回應，好像連開口的力氣都沒有。我嘗試猜：「係唔係因為今日第一日全日返學，所以攰啲？」Danny緩緩的點了點頭。Danny爸爸的表情混合無奈和憂慮，說：「其實我同媽媽都有啲擔心佢呢種情況，因為唔止放學後出現，連放暑假嗰時都有！我哋同幾家人去旅行嗰陣，Danny有幾晚都係無端端咁攰，跟住完全唔睬人。最誇張嗰晚，我哋睇緊一個好精彩嘅馬戲團表演，啲人飛來飛去，Danny竟然坐喺第一排中間瞓着咗，搞到我哋都幾尷尬。我哋唔知佢係攰、定係唔鍾意啲活動或者人、定係其他原因。」爸爸說他問了Danny好幾次，卻沒得到明確的答案，因此希望我了解一下。
爸爸離開房間後，剩下我和Danny。我問他需不需要先休息三分鐘。他搖頭拒絕。
我便輕輕地問：「你爸爸頭先講嗰啲情況係點㗎 ？有無原因㗎？」
Danny嘗試反思：「其實我都唔知點解我有時會突然咁攰…… 好似通常日頭有團體活動，要見好多人，去到夜晚我就會咁。我會完全冇心情同能量去做任何嘢。」
為內向的男生做性格測試
由於我遇過有類似情況的學生，加上我對Danny的了解，我大概猜到箇中原因。為了讓Danny自己找出原由，同時令過程更有趣和可信，我請他做一個簡單的性格測試。主題是「我是內向、中間、還是外向性格的人？」
果然，Danny是個非常內向的人。
內向=孤僻？
報告顯示，人口中30-50%的人傾向內向。然而，他們的性格很多時候被誤解，或被加上負面的標籤—- 如孤僻不合群、不擅溝通、害羞膽怯等。事實上，內向的人比較安靜，他們善於聆聽，通常先思考後說話。他們享受獨處，亦喜歡與少數相熟的親朋相處（可以表現自在健談）。不少出色的領導者，如奧巴馬和朱克伯格，均是內向的人。
值得留意的是，在熱鬧或不熟悉的社交場合中，外向的人一般能獲得刺激和能量；內向的人則會消耗精力，所以他們在一段時間後，需要一些獨處的時間去「充電」。
Danny一邊閱讀以上的描述，一邊不停的表示：「係呀！我就係咁啦。」Danny現在對自己的性格的意識有所提升，下一步我希望引導他思考可以如何避免過累的情況出現，以及如何讓身邊的人了解他的需要。
內向的人表達的2個途徑
1.避免過累
我問Danny：「你通常係啲多人嘅社交場合，大概留幾耐會覺得攰？」
他認真回想後回答：「我覺得八個鐘頭之後，我點都要唞唞。」
我點頭示意明白：「咁你以後可以注意吓，如果有啲社交活動超過八個鐘，你之後可能要安排一啲時間俾自己休息，例如去旅行嘅時候可以喺車上面合埋眼聽吓音樂，安靜唞一唞。」
Danny覺得很有道理，笑著說他可能每三小時休息一次比較好。
2. 與人溝通
我接著問Danny：「你覺得你啲屋企人係外向定係內向㗎？」
Danny突然好像如夢初醒：「我阿爸、阿媽、同細佬全部都係外向㗎！佢哋無時無刻都想同我傾偈！」
我追問：「咁如果你好攰，想休息，你平時會點同佢哋講？」
Danny坦白表示：「我通常都係話我好攰，跟住唔理佢哋。對住細佬，我就會直接叫佢收聲。」
我向Danny解釋每個人的性格都不同，所以不可能完全理解他人的感受。因此，在有需要時，我們宜主動向身邊的人表達自己的感受，一起商討對大家來說都可接受和舒服的安排，同時避免誤會產生。
Danny亦同意這一點，於是我們決定一起向他爸爸說明。
爸爸恍然大悟，鬆了一口氣，笑著對Danny說：「原來係咁，多謝你話俾我聽！唔好意思，我之前真係冇諗過原因係性格，仲成日以為你唔耐煩，或者無禮貌。我哋以後會俾多啲時間同空間你休息㗎啦！」
後話：白天不懂夜的黑?
這對父子的溝通令我會心一笑。
因為他倆就像我和我的另一半，一個外向，一個內向。我用了好一段時間才理解和相信：另一半有時候下班後沒表情、不說話，並不是因為他不開心或生氣，而是在「回氣」或「充電」呢！
註：為保障學生的身份，文中的個人資料及內容經過改動。
