越大越可愛！徐榮狂晒包包BB相 慶祝囡囡3歲生日
撰文：Sunday Kiss | 圖片：tsuichanfamily@ig
越大越可愛！徐榮狂晒包包BB相 慶3歲生日
相中包包眼仔碌碌，可愛樣吸引大批網民，紛紛留言送上祝福。而我地都祝福包包生日快樂，快高長大啦！徐榮寫道：「阿包，生日快樂，3歳包，謝謝您帶給我們歡樂，We Love U」，更配上各種心心表情，可見對包包滿滿的都是愛呀！
除咗近照，徐榮更post出多張包包BB相，只見包包細個真係同依家一樣咁可愛！睇住包包由BB女變成小女生，突然編輯都好想生返個！
好肉緊！ 徐榮的囡囡包包強吻哥哥面珠
藝人徐榮近日於insatgram發佈數張照片，照片中可以見到哥哥比細女包包強吻面珠，哥哥個樣非常受落，仲笑晒口添！睇得出兩兄妹感情非常好！爸爸留言：「妹妹kiss kiss 哥哥好Happy💕
#其實係檢查哥哥個嘴乾唔乾淨#情深的一吻 #哥哥你要抹嘴」
天天都是父親節
早前父親節，徐榮發佈數張同仔女嘅合照，仲留言話：「日日都係父親節」！果然係有仔女就萬事足！
徐榮細女 包包上學去
藝人徐榮近日於Facebook張貼愛女校服照，稱兩歲的「包包」終於要上學了！父母見證子女人生中重要的一幕，除了感到安慰，亦難免會感觸起來。好爸爸徐榮發表感言：「2017/11/1：包包話今日吉日宜開學，話咁快阿包返學啦！明明昨天仲係個BB，大得太快！」
徐榮與太太陪伴愛女踏出重要的一步，三個人一起上學去。穿上校服的包包成熟了不少，看來準備好做學生啦！
<
包包背起書包後比平時更可愛，希望她展開美好的校園生活！
「馬家好」深得觀眾喜愛
包包在《愛．回家》飾演「馬家好」後人氣急升，更獲得不少廣告商垂青接拍了不少廣告，觀眾緣非常好。上個月包包兩歲生日，更獲廣大觀眾送上祝福！
包包有個比他大八年的哥哥徐朗，一家四口非常幸福。原來徐榮和太太當年決定生多個，全因徐朗鍥而不捨地哀求！徐榮曾透露：「兩三年前阿仔已不斷要求生多個妹妹，一度拒絕過嘅，但佢神都出埋，我哋就圓佢心願啦。」終於有妹妹陪，徐朗當然將包包錫到燶！
