大女節儉懂事 趙頌茹：我覺得她有長大了
廣告
趙頌茹 (阿Yu)與周永恒離婚後，與兩個女兒信希及愛希相依為命，阿Yu除工作及打理生意外，其餘時間都全投放在兩位小公主身上。單親媽媽不易做，故生活上一件小事、或是女兒的一句話，都足已令阿Yu非常感動！
撰文：Sunday Kiss
趙頌茹：女兒真的長大了
趙頌茹日前在社交網站分享一件生活軼事，事緣大女信希要購買樂器，但由於只是初學的關係，所以阿Yu就問女兒希望買比較便宜還是比較貴的款式 —「平的 因為希望家裡的錢會多一點」信希回答，阿Yu直言呢個答案令佢覺得女兒真的長大了，並非因為佢真係為屋企慳了錢，而是女兒的乖巧懂事才令佢最感動。
離婚後 三母女感情更好
阿Yu 去年接受《Sunday Kiss》訪問時指，離婚的決定是經過長久以來的掙扎，因為害怕改變，害怕一個人搞不定，更擔心小朋友的成長有所缺陷，但想到若然婚姻繼續下去的話，反而對小朋友的成長有較壞影響。一切風波過後， 阿Yu有向女兒坦白一切，雖然女兒只有幾歲人仔，但也大概明白了家中發生甚麼事情，最難得是因此更增進了三母女的感情。「我每次都好坦白同佢哋講解，坦白嘅意思唔係將事情最差嘅一面話佢哋知， 而係有限度、佢哋認知範圍上面，去讓佢哋明白到父母雖然分開居住，佢哋仍然有爸爸。」
媽媽是全世界最偉大的
擔任單親媽媽是一件不容易的事， 阿Yu 覺得不論單親與否，所有媽咪都是辛苦的，偉大的。佢話：「係咪單親都係一樣咁照顧小朋友，本身我都係自己一手一腳去湊大小朋友，其實任何父母都有辛苦嘅一面，如果你要諗得好辛苦，咁好多嘢都可以好辛苦。只不過我經歷得更多，學識更多嘢，我都覺得自己有成長。」
放工回家 見到囡囡最滿足
阿Yu希望兩個囡囡喺一個開心嘅環境生活，並且希望佢哋每一刻都敢同佢傾訴，因為以往囡囡好驚同佢講心事，驚佢聽完會唔開心，但係其實佢哋唔同自己分享，反而更傷心。到依家，阿Yu表示自己對同小朋友嘅關係好有信心，因為依家睇到佢哋女兒好信任自己，每一日都充滿安全感。雖然兩個女啲吵鬧聲有時候真的令人好辛苦，但係每當阿Yu做完嘢返屋企聽到佢哋把聲，就覺得好滿足。
