女兒大膽愛騷身材 王敏德怪老婆縱容囡囡

撰文：東方新地 圖片：新傳媒圖片、IG

馬詩慧細女 失戀派肉照

王家有女初長成，兩姊妹外形性格都夠標青！大女王曼喜Kayla年前出櫃，獲得父母欣然接受，二女王麗嘉Irisa則立志繼承馬詩慧衣砵，模特兒工作不少亦不時在網上分享靚相，不過鬼妹仔坦蕩蕩性格加上上圍零舍豐 滿，次次都被傳媒和網民放錯重點，集中討論其偉大胸襟。

王敏德好尷尬

以往堅守住內衣和比堅尼底線，老竇王敏德尚且公開表示不滿，今次Irisa索性出浴露埋蜜桃臀，王敏德都話「愈嚟愈差」兼尷尬：「Getting worse and worse！呢啲相對男人好，但對爸爸就好辛苦！好多朋友拎啲相問我係咪我個女，好尷尬！」

港男無品怒刪留言

沒有最尷尬，只有更尷尬，原來Irisa肉照相由母親馬詩慧操刀拍 攝，而妹妹露完，家姐亦都叉多腳露埋一份，緊接其後外放同居女友拍攝的飛Bra走奶肉照，被兩個女接連激親又講極唔聽，據知王敏德嬲 爆遷怒到老婆身上，對超模出身的馬詩慧態度開放又對女兒縱容頗有微言。

Irisa刪除留言功能

知情人士透露，原來去年大學畢業的Irisa已與老外男友分手，一向 對自己身材信心爆棚又有媽媽撐腰，更加有恃無恐態度照舊，不過性感新相吸引大量渣男瀏覽，留言猥瑣再tag埋王敏德火上澆油，Irisa終於對牽連老竇產生些少悔意，刪除肉照留言功能。不過就話到明唔會妥協，有靚相會繼續發放喎！

倒奶成癮

從小接受西方教育、又見 慣超模媽媽專業拍攝，Irisa一直 立志入行做Model，亦從不吝嗇 展示自己驕人身材。雖然有鋪 倒奶露波邊癮，不過Irisa膚色 健康、作風又爽朗，私相簿性感之餘更具美感。