媽媽大屋搬細屋 入非主流學校 只為仔女讀書開心

撰文：Joanne 圖片：ViuTV截圖

放棄全職 、大屋及工人

Iris係一個半職媽媽，有一對仔女，分別讀一年班同三年班，兩個都喺非主流學校返學。

會選擇非主流學校，係因為見到大女晴晴當年喺主流學校讀書壓力好大，功課多，考試多。雖然老師話晴晴可以谷得到，但係Iris就覺得如果個女唔開心，犧牲就會好大。

漸漸Iris發現晴晴對學習失去興趣，想搵辦法幫個女走出困局嘅時候，就遇到呢間非主流學校嘅學生。

為咗入讀呢間學校，Iris毅然由全職工作轉為半職，亦由兩房一廳嘅單位，搬到去而家一房一聽嘅細單位。

雖然租金壓力係大，但係經過咗一年嘅時間，Iris覺得而家比以前住大屋，有工人嘅生活，更加開心。

因為同一對仔女相處嘅時間多咗，可以日日陪佢哋起身，同煮午餐畀佢哋帶返學。難怪Iris話：「呢啲生活對要全職返工嘅媽媽嚟講，係好奢侈㗎喇！」

呢日美齡姐姐就同晴晴同朗朗，一齊返學，體驗吓非主流學校嘅生活。

家姐晴晴只係小三，但係就幾乎日日帶住細佬，一齊搭火車返學。

美齡姐姐話，小朋友日日自己搭車返學，培養好高嘅自立性，晴晴仲要照顧埋細佬，所以責任感都好強。

Iris話學校每個學期都有唔同嘅主題活動，所以上課地點都會經常轉換。晴晴、朗朗喺拍攝當日，就係去大圍上滾軸流冰堂。

非主流學校連點名方式都唔同啲！老師會影張大合照，放上whatsApp Group ，等家長知道自己嘅仔女已經到達集合地點。而且上課時間係上晝10點至下晝4點，返學時間會比主流學校會晏啲。

由火車站行去上課嘅公園，老師沿路都會向同學仔講解眼前見到嘅植物。

讓孩子在真實環境中學習

又叫佢哋聽吓樹木「心跳」嘅聲音。

美齡姐姐好欣賞呢種教學方法，形式好似外國嘅自由學習，搵啲專家嚟向小朋友講解各種事物，充實佢哋嘅課外知識。小朋友可以聽到、睇到、摸到，記憶亦都會加深好多。

課室外的體驗學習

Kinal校長話，「無牆學校」係以一個「Unschooling」嘅形式進行，有校舍，冇課程，分幼兒班，高小低小，以混齡學習為主。

與主流學校最大嘅分別，就係唔使趕課程，唔需要擔心功課、默書同考試，可以投入學習，全情體驗。

呢種學習形式，係想建立同小朋友之間嘅真實連繫，而呢種連繫係同成績、功課無關，係一種知識嘅連繫。

冇交功課式嘅學習，小朋友就會真正享受，以及擁有知識。

片段中睇到小朋友好投入。

笑容真係好多。

有冇擔心學術方面追唔上？

美齡姐姐覺得Iris為對仔女作出咁嘅選擇係好有勇氣，但亦都好奇Iris會唔會擔心呢種學習形式，會令一對仔女喺學術方而追唔上。

Iris就話自己唔擔心，但係身邊嘅屋企人就會擔心一對仔女會唔會唔識字，但係實際上佢哋識嘅字其實都唔少！

而且，Iris覺得晴晴、朗朗得到嘅體驗，係好超乎佢預期。例如學期初晴晴、朗朗跟學校去「流浪」五日，要去唔同嘅地方過夜。

之段Iris收到晴晴喺「流浪」時寄嚟嘅明信片。

Iris覺得呢張明信片好珍貴，因為佢知道個女唔怕辛苦，只要佢覺得辛苦得嚟係值得，就會好享受！

Iris都覺得一對仔女有啲似實驗品，不過呢個實驗係冇壞處，因為點差都唔會比以前差。

最重要係喺呢個學習環境，同思維模式下，佢哋將來面對困難嘅能力會更加強。

也有學校學不到的事

美齡姐姐認為，呢種學習模式因為冇學校，去到邊就要學到邊，可以人生經歷上，唔係一般主流學校可以吸變得到。

但係有啲主流學校學到嘅嘢，佢哋又未必學得到，例如紀律，或者專心聽大人講嘢，呢啲喺學校學就會容易啲喇。

自由都要有計劃

美齡姐姐欣賞Iris嘅勇氣，不過都會擔心呢條路好難行，因為一般人行嘅路，由幼稚園去到高中，只係諗點樣去適應，但係Iris揀呢條路，係要靠自己行出嚟，用自己嘅手腳為後生鋪路。

呢個係好大嘅挑戰！所以美齡姐姐叮囑Iris，個腦成日要諗住唔同嘅後備計劃，可以保障小朋友有美好嘅將來。

Iris經美齡姐姐提醒，都發覺自己有時太忙，都會疏忽為一對仔女去計劃，去打算。

未來會為佢哋諗多啲，為佢哋要更加負責任。

美齡姐姐明白，自由係好吸引，但係當畀小朋友自由學習，家長同老師係需要有好詳細嘅計劃，小朋友至可以享受自由。如果冇一個好好嘅學習基礎，就更加冇嘢可以依循。

為人母 每天也在學

Iris 亦好明白呢個道理，所以自己都好想學多啲，應該點樣去教、去照顧小朋友。好多時父母係同子女一齊學習 ，一齊成長，一齊學習點樣去經營一個家庭。

美齡姐姐希望呢種非主流嘅學習模式可以成功，咁樣家長就可以有更多選擇。

亦都希望Iris可以幫一對仔女搵到自己嘅夢想，完成佢哋嘅夢想。

潮媽唔易做

Suki是個出身自傳統家庭嘅潮媽，因為爸爸重男輕女，造就了Suki長大之後熱切追求自由，從而亦影響到她成為媽媽以後，都對管教女兒抱持開放的態度。

Suki有一個獨生女Maya，今年已經12歲。雖然Suki是一個在職媽媽，但是生活重心幾乎都放在女兒的身上。

有時女兒都會嫌她煩，不過她認為，父母煩都是子女造成，如果不緊張你，何必煩你？

不過Suki有時都會諗自己唔應該放太多投資在女兒身上，怕過多幾年，女兒再大一點，有了自己的朋友圈，不再理她，她的心靈就會很空虛。

Suki 每一日都會為Maya煮午餐便當，事源是有一次到學校參觀，順便看看Maya午餐是吃甚麼，當她看了一眼之後，就決定每天為Maya煮理午餐。她相信食物可以讓女兒感受到，她的愛是十分澎湃的。

3年以來，每天都製作不同的菜式給女兒帶回學校，累積至今，已差不多有4百多款。

曾經出現過的餐單竟然有北京填鴨，由烤鴨到搓餅，都由Suki一手包辦！

透過食物學習不同文化

美齡姐姐鼓勵家長要讓小朋友多嚐試不同的食物，她自己也經常煮不同國家的食物，給她的囝囝吃。

因為她希望兒子可以透過不同的食物欣賞世界上不同的文化。

Suki 小時候很想做舞蹈員，但是受到家人極力反對，於是被迫放棄自己的理想。到自己做了媽媽，她就會盡量讓女兒去試，只要女兒喜歡，她都會盡量去成全。

例如Maya喜歡追星，想學體操，喜歡拍短視頻，Suki都會陪女兒一起去做，目的就是要讓女兒感受到她的愛。

為子女鼓起勇氣去嘗試

美齡姐姐認為，現在為人母要刻服的事情太多，有時候為了讓子女更親近，就要去接受很多新的挑戰。

「為了兒女，放手去試吧！」這樣的勇氣，其實是子給予我們的。

囡囡反而想有點壓力

Maya天生柔軟度高，所以即是到差不多10歲才學體操，也不至於太幸苦。但她卻跟媽媽 說：「如果你早點迫我學，我就可以去參加奧運了。」

但是Suki卻跟Maya說：「我不想迫你，不過你想試的，我都可以讓你去試。」

Maya 養的寵物是兩隻小老鼠，而Suki本身是很害怕老鼠的。

不過因為Maya喜歡，所以Suki就硬着頭皮去接受，現在拿在手上把玩都不怕。美齡姐姐看在眼內，認為這是母愛偉大的地方。

兒女長大 需要空間

美齡姐姐一開始很擔心Suki的情緒都很依賴女兒Maya，她好像成為了女兒最忠實的粉絲。

Suki亦承認這一點，更認為自己才是女兒的前世情人。

美齡姐姐勸告Suki，指Maya現在已經12歲，是時候要放手，讓女兒及自己也要適應獨立的生活。

如果互相依賴下去，女兒長大了，就更離不開父母，難以獨立生活。

所以美齡姐姐建議，家長有時再站遠一點，逐步讓子女有自己的空間去發展個人的人際關係。當然，父母的愛是不會變的，只是要提醒自己，不要黏得太緊。

最難就是放手

美齡姐姐說：「帶小朋友最難就是放手，小朋友到了某一個年齡，父母也不能依賴他們，不能將自己每一個喜悅，都寄托在小朋友的行動上。也要教會小朋友，不是要得到父母的讚許才是成功，就算沒有父母在身邊，他們也要有認同自己的能力，因為如果太過互相依賴，對雙方都不公平，也不會得到幸福。」

第三及第四集，美齡姐姐分別訪問了兩個背景截然不同的家庭，一個是為了培育女兒移居香港，更辭去工作當起「全職爸媽」的雙非父母，另一個則是單親家庭，媽媽離婚後獨力撫養一對都有特殊教育需要的囝囝。身為教育博士的美齡姐姐，從與兩個家庭的相處中，分享了很多切合許多香港家庭同樣面對著的育兒問題。

新移民父母全職湊女

張先生是北京人，張太是廣東。二人在4年前，為了讓在香港出生的女兒-瑤瑤（7歲）可以得到更好的教育，移居到香港。

張先生一家居於屯門，兩夫妻沒有工作，但家境富裕。客廳之內可以容得下一座三角琴，不過就因此而「犧牲」了擺放梳化及電視機的空間。

雖然張先生是內地的官家子弟，家底甚豐，不過從甚言談間，可感覺到他為人謙厚，亦不會驕縱女兒。 像女兒的獎座放滿一屋，美齡姐姐也取笑他應該沒有把全部獎座放出來，應該有部份是放在倉庫。不過張先生則指瑤瑤在學校只是很普通的學生，比她優秀的人有很多。

而且張先生亦指自己對囡囡的品德要求甚高，如果看見她在比賽得獎後太得意忘形，必定會馬上糾正。

美齡姐姐在與瑤瑤相處過後，認為瑤瑤是個乖巧，陽光的小朋友。

瑤瑤亦有主動與美齡姐姐分享自己的家庭事，例如每年暑假父母都會帶她到外國旅行，她家中的所有鞋，都是在日本買回來。還有她去年的生日會，父母邀請了90個賓客跟她一起慶祝。

學習「缺少」 培養正確價值觀

因此美齡姐姐認為，父母為女兒犧牲許多，瑤瑤現在實在太幸福了！建議父母應該要讓她學習「甚麼叫缺少」。因為當小朋友發現自己有不足的時候，潛能就會發揮出來。假如瑤瑤將來遇到挫折、或有朋友對她不好，被欺騙，就會受到很大的打擊。所以父母應該要找機會教導她「怎樣面對挫折」。

另外，應該要讓瑤瑤知道，她現在擁有的一切，都不是普通人可以得到的，也不是值得驕傲的事，最重要是一家人可以一起相處的時間，是用金錢買不到的，才是最重要！

為小朋友擴闊眼界

小朋友的世界，多是在家裡和學校，家長可以多帶小朋友出外經歷，旅遊、做義工，可以體驗不同人的生活，回來再討論，可以令小朋友的生活更有深度。

不必渴求子女回報

美齡姐姐：「愛護小朋友，為小朋友犧牲，是不可以渴望回報的。曾經人說過：『3歲為止，小朋友已經回報了你所需要的，已經盡了孝道。』因為他們太可愛，給你太多幸福的時光。4歲以後，他們氣你是應該的。所以就算你是犧牲很多，甚至為培養小朋友，而將人生也徹底轉變，就算他們長大了，真的不回報你，也不需要失望，因為小朋友有他們自己的人生，你也應該有自己的人生。

單親媽獨力養兩囝囝

另一個個案媽媽Irene是一個屋邨單親媽媽，一個人養活兩個囝囝𢁉𢁉（10歲）和曉楊（7歲半）。一個人帶大兩個仔已經不容易，更令Irene吃力的是，兩個囝囝都有特殊教育需要（SEN）的問題。

哥哥𢁉𢁉患有亞氏保加症，情緒比較難以自控。

細佬楊楊，在媽媽口中是個非常好帶的小朋友，吃得飽就睡得好，不過卻有專注力不足的問題。

Irene 坦言母兼父職是很吃力，不過與兩個囝囝一同生活，的確是一件開心事。

小心飲食有助控製情緒

美齡姐姐指，小朋友的情緒，會受到很多因素影響，而食物就是其中之一。例如常喝甜的飲料，在睡前吃難消怎的食物，就會令小朋友睡眠不足，心情煩燥， 如果家長可以小心照顧小朋友的飲食，就可以幫助小朋友控制情緒。

單親需要安全網

美齡姐姐又認為，單親家長很需要一個安全網，所說的不是社工和醫生，而是一群可以隨時現身可伸出援手的朋友。萬一家長有何需要，只要一通電話，有誰可以立刻幫忙照顧孩子，這是單親媽媽一定要做得到的。

Irene離婚前與丈夫家人同住，一個八口之家，對育兒理念各有自己的想法，與丈夫的爭拗漸多，與其讓小朋友活在爭拗之中，不如與丈夫分開，讓孩子的成長更健康。

讓孩子可以放心去愛

美齡姐姐認為，在單親家庭長大的孩子，不一定是不開心的。社會上已經有很多離婚的案例，其實只要家長可以讓小朋友知道，他可以放心去愛人、信任人，就算受到傷害都是值得的。以大人來說，一段緣份就算不能白頭到老，亦要保持正面。

在訪問期間，發生了一件小插曲。𢁉𢁉本來約了同學去打乒乓波，誰料同學爽約，未有出現。

Irene就勸囝囝不如下次再去，現在去的話，可以玩的時間可能不多。此話一出，𢁉𢁉的情婚即起波動。

最後由美齡姐姐出手，主動邀𢁉𢁉去打乒乓波，而且讓他打到夠為止，𢁉𢁉才平復下來。

要和孩子商量解決方法

美齡姐姐理解𢁉𢁉的心情，認為10歲的𢁉𢁉如此激動，是因為覺得自己有障礙，所以不被信任。家長應該要解釋給他聽：「我是因為擔心你，控制不了自己，細佬亦控制不到的話，就會令你發生意外。」要和小朋友一起商量解決方法，例如：「我跟你一起去。今晚不吃飯了，買兩個麵包，我跟你一起去打球，可以嗎？」小朋友就會聽話。

Irene有時為了培養兩個囝囝的責任感，會訓練他們合作一起去買街市買餸。

美齡姐姐透過一天的觀察，勸告Irene不要太緊張。緊張小朋友是好事，但不必緊張要「做得好」。要給他們有更多的活動空間、成長空間和失敗空間，即使一起去經歷失敗也是無妨。媽媽學會放鬆，孩子的成長也可以輕鬆點。

最後兩個囝囝為媽媽親手製作一個便當之餘，更對媽媽講出自己的心底話。當Irene一聽到囝囝話：「多謝媽咪，帶我哋去摘士多啤梨！多謝媽咪，日日都好辛苦咁叫我哋起身！」就已經忍唔住喊！。

𢁉𢁉同楊楊仲應承媽咪以後都唔打交。

Irene對此覺得很感動！她並不期望兩個囝囝讀書成績有多好，只希望他們會是個謙虛、正直的人，可以在自己喜歡的領域發揮所長。

最後，美齡姐姐希望大家不要標籤單親家庭的孩子，其實社會上有很多單親家庭都是很成功的，問題是在於家長有否給孩子充份的愛和關注。