貼20年前孕照慶囝囝生日 曾華倩：感謝上天賜給我最寶貴的禮物
撰文：Kamen | 圖片：曾華倩Facebook
貼20年前孕照慶囝囝生日
53歲嘅曾華倩除夕日貼出20年前嘅孕照，慶祝囝囝林浩賢（Martin）元旦嘅生日，曾華倩留言表示：「時光倒流…..在1998年年12月31日大除夕的日子，我的寶貝兒子還在我的肚子呢！還自己選擇了自己出生的大日子，在一月一日新年！哈哈….足已證明這孩子是喜歡熱鬧的寶貝兒！也感謝上天賜給我最寶貴的禮物！感恩！」
時光倒流😍…..在1998年12月31日大除夕的日子，我的宝貝兒子👶還在我的肚子呢!😝還自己選擇了自己出生的大日子🎊，在一月一日新年🎉!哈哈….足已證明這孩子是喜歡熱鬧的宝貝兒🎉🎊😍😘!也感謝上天賜給我最宝貴的禮物🙏👶🎁❤!感恩❤🙏!祝大家大除夕快樂呀!🎊🎉🤗
Posted by Margie Tsang曾華倩 on Sunday, 30 December 2018
Posted by Margie Tsang曾華倩 on Monday, 31 December 2018
曾華倩2002年與前夫離婚後，獨力湊大囝囝。單親媽媽不易做，離婚後華倩全副心機培育兒子，Martin兒時送咗張卡畀佢，上面寫上「I LOVE YOU」，華倩收到後忍唔住影相同大家分享仲話開心可以好簡單，睇得華倩真係甜到入心！
曾華倩離婚後，全力照顧兒子林浩賢（Martin），兒子測驗、考試她都陪伴溫習，每天清晨5時更不辭勞苦接載Martin往練水，兒子參加游泳比賽亦定必出席，就連到外地比賽都一齊去，以行動去支持兒子。Martin在泳壇獲取佳績，被譽為「喇沙飛魚」。
曾華倩囝囝 贏4 x 100自由式
53歲嘅曾華倩真係冇乜點變，反而囝囝變化最大，竟然已經高過6呎2有高佬之稱嘅袁文傑，真係高大威猛！華倩話：「我依家先知阿仔原來真係咁高，我印象中『高佬』係好高嘅，點知企埋去，阿仔仲高啲，佢依家191 cm。」睇得出，華倩幾咁proud of個仔！更開心嘅係囝囝今次同隊友代表香港出賽，贏埋4 x 100自由式嘅金牌番嚟，為港爭光，做阿媽真係威威㗎！
曾華倩早前喺ig貼咗同鄭浩南嘅合照，佢話：「昨天早上，在機埸偶遇多年沒見的Mark哥鄭浩南，還在同一班飛機去同一地方。真巧合！」
凍齡拍檔
52歲曾華倩同53歲嘅鄭浩南，其實曾經喺91年合作拍過劇集《夢裡伊人》，同劇嘅仲羅嘉良同李婉華，呢日見佢哋嘅合照就見二人好似食咗防腐劑咁，冇乜變樣。
高過袁文傑
曾華倩喺機場除咗撞見鄭浩南，仲撞到袁文傑同吳家樂兩位好友，華倩留言：「他們出發去國內拍攝TVB古裝電視劇。真有緣呢！」相中仲見到華倩個囝囝Martin，唔講唔知，Martin其實係香港泳隊，呢日佢就代表港隊出發去吉隆坡參加「第61屆馬來西亞公開游泳錦標賽」，真叻仔呀！
喺上年的母親節，曾華倩仲上載咗同囝囝嘅合照，相當Sweet呀！
