孫慧雪與囝囝神同步 二人賣萌表情一致
廣告
藝人孫慧雪不時都會帶同近一歲的囝囝Riley四圍去，近日一家人就去咗外遊，仲去咗當地主題樂園玩。孫慧雪就上載分享佢同Riley遊玩嘅合照，而重點就落咗喺佢兩母子表情竟然可以神同步！不少網友仲話佢哋係最佳拍擋！
撰文：東方新地、Sunday Kiss｜圖片：Instagram-孫慧雪
孫慧雪與囝囝表情神同步
最近，孫慧雪帶同可愛囝囝Riley一齊去樂園玩。雪雪為Riley精心準備一套模仿《壞蛋獎門人》裏面「Minions」嘅制服俾囝囝穿著，相當趣致。兩母子影相留念時，仲表現出神同步，幾款表情同動作都一模一樣！
就連雪雪都忍唔住要留言話：「我發現咗BB嘅天賦才能係佢嘅模仿能力，我做咩佢就會跟住做，第一張，我叫佢一齊扮cute呀～佢即係（刻）做！第二、三張變臉前後無（冇）2秒！仲扮埋我單眼，之後同影加映，佢收到電話：『喂！喂！我講電話，你等等先！』都係扮緊我！我真係唔可以亂來😅 #Riley真係好鍾意媽媽」
Riley認真西利，每個表情都可以學足媽咪，咁有學習天份，第日大個一定都係個醒目仔！
就連眼仔碌碌咁望鏡頭都同媽咪勁似樣！
雪雪仲分享咗自己餵啊仔食嘢嘅片上網，見Riley食得津津有味，每食一次都點哂頭表示好好食，認真可愛！
孫慧雪「交足戲」的全家福
早前，孫慧雪與老公Edwin及未滿一歲的囝囝Riley，一家三口暢遊3D美術館。雖然Riley仔未夠一歲，但明顯遺傳了媽媽的演藝細胞，在不同3D場景時竟然可以完全配合爸爸媽媽，做出各種的反應和表情。
難怪雪雪都忍唔住喺社交網留言︰「大家都好有戲！好好！#連Riley都俾（畀）戲 #有其他相我扮俾（畀）蛇咬Riley喊住叫媽媽🤣 #好感動…..BB比爸爸媽媽更有戲♥️ #十個幾月人仔…….Riley,你演譯（繹）得好過媽媽，點算先？😅」
