迷倒後宮卻捉不住女兒的心 聶遠囡囡鍾情「傅恒」
廣告
喺《延禧攻略》劇中，後宮一班女人，為咗爭取皇上嘅寵愛，鬥個你死我活！於劇中飾演乾隆皇帝嘅聶遠，有後宮佳麗三千，但係現實當中，就連自己個女個心都俘虜唔到！早前接受訪問時，，透露囡囡天天鍾情嘅，係飾演傅恒嘅許凱！口講話會尊重囡囡嘅選擇，其實內心酸到不得了！
撰文：Sunday Kiss 圖片：聶遠微博
專演古代美男子
在《延禧攻略》中飾演皇上嘅聶遠，從演以來多次飾演古代美男子，如《三國》嘅趙子龍、《西遊記》嘅唐僧等！2004年張紀中籌拍《神鵰俠侶》，聶遠本來是飾演楊過嘅大熱人選，可惜最後角色落入黃曉明手中！
2008年，聶遠與同門師妹楊光結婚，可惜婚姻只維持了4年，二人於2012年離婚。聶遠於2014年再婚，同年5月囡囡聶子一（天天）出世！天天而家已經4歲，係個眼大大，又可愛嘅小妹妹！
聶遠成日都會喺微博PO佢同個女嘅合照！兩父女都成日出雙入對！
今年天天生日，佢同媽媽講，想要一隻粉色嘅狗仔！聶遠知道之後頭都大埋，都唔知去邊度搵！最後就同天天一齊畫！
因為個女仲細，聶遠開工嘅時候，經常會將個女帶喺身邊！
拍《延禧攻略》嗰陣，天天都日日喺片場陪住爸爸，深得一班後宮娘娘嘅寵愛，聶遠話天天成日都讚班後宮娘娘靚，不過語氣都好敷衍！直到有一日，飾演傅恒嘅許凱出現，天天就即時便咗「心心眼」喇！
聶遠都好無奈咁話：「許凱太帥了～」所以個女見到佢就紅都面埋！皇上仲話會尊重女個嘅喜好，做一個開明嘅爸爸⋯ 嘩～浸醋味濃到呢～
