張嘉兒教路 4個方法戒掉BB飲夜奶習慣
撰文：Sunday Kiss
相片: 張嘉兒@FB
為何要讓BB戒掉飲夜奶的習慣？
要BB戒掉飲夜奶的習慣，是因為能夠讓BB的睡眠質素更加好之餘，父母亦有更多時間休息。另外最重要的是，夜晚飲奶可能會令奶逗留在嬰兒的口腔內，容易導致有蛀牙的風險。
4個方法戒掉BB飲夜奶習慣
1.Cry Out Method
「Cry Out Method」亦即是不理會BB，任由BB喊。不過張嘉兒自己就並不是太認同這個做法，因為佢唔忍心自己的小朋友一直喊，而沒有人理會他。佢又覺得會影響BB的心理發展，嬰兒階段是需要媽媽的愛護，任由嬰兒哭而不理會他們實在有少少殘忍。所以，這個方法未必每個媽媽都能夠接受。但也有不少媽媽教落，有時候需要忍心一下，放BB在床上，任由他哭一個鐘。第一日可能哭一小時、第二日可能哭半小時，之後就哭15分鐘，最後就好快識得在床上自己瞓覺。
2.專家建議有系統地sleep train
除了每晚在同一時間瞓覺，另外還有一系列的訓練。例如先餵BB飲奶，之後幫佢刷牙，抱佢到床上，同BB一起聽歌或者講故事，等他的情緒開始冷靜，最後就可以慢慢安撫BB瞓覺。每日都做這些相同的事情，而且要同一個時間做，讓BB學識原來聽完歌或者故事後就是應該瞓覺的時候了。不過，這個Sleep trainer有提到，如果夜晚BB醒了，唔想飲奶、又唔肯瞓覺可以如何處理？Sleep trainer就特別為呢個情況作出了建議，建議媽媽們可以將BB放在BB床上，而媽媽就在BB床旁邊，將所以燈關掉，一直安撫BB「訓覺啦、mami’s here」，讓他不要害怕，知道熄燈是瞓覺的時候。另外，Sleep trainer話這個方法不用哄他，總之一直重複「訓覺啦，訓覺啦！」「mami’s here, mami’s here」讓他知道並不是只有他一個人，媽咪會陪住佢。
3.以水代奶
張嘉兒用自己作為例子，佢話「每晚起身抱嬰兒到大人床，而她自己就會有時候給水讓BB喝。在第一晚的時候，BB就飲住水睡了。」
4.延遲提供奶源
張嘉兒透露，佢自己並未試過這個方法，而這個方法是其他媽媽的建議。例如每次BB起身要飲奶的時候，就不要立即給他，可能第一晚隔10分鐘才給他，第二晚就隔20分鐘，第三晚就隔半個鐘。久而久之，BB就意識到並不是即刻可以得到奶。這樣的話，BB就學會配合，減少了夜晚飲奶的次數。
囡囡扭計難戒夜奶
原來今次唔係嘉兒第一次幫囡囡戒夜奶。嘉兒話：「6個月以來，小寶貝起身我都會埋身餵奶俾佢飲，上年暑假我喺溫哥華嗰陣時，試過成功幫佢戒到夜奶2星期。但係之後佢病咗，佢半夜醒嘅話我都會即刻比奶佢飲，返到香港佢有時差，我又會埋身餵奶等佢可以快啲瞓返。一般來講，其實佢需要我都會俾，因為我都覺得能夠可以親餵，係一種福氣，我亦都享受。」
點解今次下決定心要幫囡囡戒夜奶呢？嘉兒解釋：「佢都開始大個，同埋牙仔越來越多，都怕對牙齒唔健康。我亦都唔想佢太過倚賴飲奶然後瞓覺，其他人根本無辦法可以幫我氹佢瞓。所以尋晚決定又幫佢戒夜奶，結果佢同我掙扎咗一個半小時，最後飲住水瞓着咗。」
張嘉兒幫囡囡戒夜奶 6日初見成果
張嘉兒近日喺社交網站發文，講起佢16個月大囡囡Leora戒夜奶的心酸經歷。之前分享過嘉兒幫囡囡戒夜奶第一二日的情況，當時Leora依然半夜扭計要飲住水瞓。點知就喺第三日，Leora就有好成績啦。只有半夜2am醒過一次，扭計一陣飲完水就乖乖瞓翻。
不過，之後幾日，小寶貝Leora戒夜奶的情況依然反反覆覆。嘉兒話，佢以為戒夜奶BB會一覺瞓天光，原來都係未㗎。不過嘉兒表示囡囡已經進步好多，對戒夜奶依然有信心。
