張繼聰5歲囡食奶嘴被批評 好爸爸冷靜出頭 附1招助大仔搣甩奶嘴

張繼聰細囡被批評5歲仲食奶嘴

張繼聰在社交媒體上發影片，見5歲女兒Kakaball穿上米奇睡衣，嘴上咬著奶嘴，於家中不同角落向鏡頭舉手Say Hey的片段。卻有不少網民把焦點放在5歲女兒食奶嘴一事上，紛紛質疑他讓女兒繼續食奶嘴，不協助戒掉習慣。其實早在兩年前，當女兒還是3歲時，已經有很多網民質疑更質問「咁大個囡仲食奶咀，會哨牙㗎」；「d家長怕麻煩咪比借口自己囉！冇安全感喎！一世都冇安全感， 豈不是要帶埋奶嘴返工！真係吾知咩理論，得人驚！」等等。

好爸爸張繼聰溫柔護女

兩年前，女兒還是3歲時，張繼聰平靜回應網民：「大人有d嘢一世都戒唔到，無謂對啲小朋友太harsh，教導小朋友唔係一件容易嘅事，做父母都係邊學邊做，而且每個家長都有唔同嘅方法，因為每個小朋友都係獨一無二，亦唔能夠一把尺套係唔同嘅事情上 。大家分享吓，peace。」時至今天，他的立場依然無變，他回應：「依個世界真係好多人關注人哋嘅小朋友點解食奶咀。我做老豆都未慌，你哋定d嚟啦！」以輕鬆手法回應批評。

引導哥哥戒奶咀

以往張繼聰又提過從前讓兒子張瞻戒掉奶嘴，「小朋友都會有唔駛奶咀嘅一日，我以前同個囝講，你放心食，食到幾多歲都得，不過將來有女朋友，你諗吓會唔會影響大家嘅感情，冇幾耐，就戒咗。我會引導自己嘅小朋友，擁有一顆強大嘅心，可以專心做好自己，同時可以包容同尊重別人。」

網民支持

張繼聰的留言受到網民支持，「佢唔食時就自然唔食…..no need to worry. 好似戒片一樣，佢話唔著先唔著。」

「講得啱！我撐你！我個女想當年一樣，日日比人話….個小朋友開心便好，關你哋鬼事。」

「我仔仲有兩個禮拜3歲都一樣瞓覺要奶咀，我真係覺得唔需要太苛刻，唔係吓吓都一定要1歲要咁，2歲又要咁，3歲又一定要咁咁咁先得! 我希望佢可以做自己而唔係每每都要跟著人哋而行!」

「部分家長成日教小朋友做自己心目中嘅要求 認為係對小朋友最好 其實根本唔知小朋友鍾意啲咩 咁小朋友又點會快樂成長？kakaball同瞻瞻好幸運有咁好嘅daddy媽咪，真心好鍾意你哋屋企嘅教育方式，哥哥妹妹以後一定會成為一個快樂的人」

張繼聰陪子女探索

張繼聰明白不少父母會對子女有期望，例如希望他培養某類的興趣、修讀特定的科目，甚至從事某種職業。但張繼聰認為，家長單方面認為對子女好的事情，未必真的適合子女。張繼聰表示，慶幸父母在他小時候鼓勵他培養興趣，令他一直可以堅持演員的夢想。所以對於子女想做的事情，就算自己不喜歡，都會「放手」讓他們追夢。

張繼聰不時會在社交媒體大哂家庭照，身為爸爸，但與子女的互動就如朋友一樣。張繼聰認為，作為爸爸最重要是保持一顆年輕的心，不要常以「過來人」或一副説教的姿態與子女相處，反而作為子女「同伴」的角色，與他們一同成長。

張繼聰謝安琪的愛情故事

奉子成婚受外界批評

張繼聰與謝安琪（Kay）同是恩主教書院讀書，其後二人都選擇於2005年加入樂壇做歌手，張繼聰更主動出擊，問謝安琪得電話後，便約她看電影。張繼聰接受訪問時笑說，當時看的第一套電影便是「藉著雨點說愛你」！不過當時初踏足樂壇的謝安琪是樂壇明日之星，憑歌曲《姿色份子》一炮而紅；相反，張繼聰的名氣卻遠遠比不上她，地位懸殊。

2006年11月，謝安琪突然宣布懷孕3個月，二人奉子成婚，謝安琪更因而暫別樂壇。不少人一邊直指張繼聰拖累謝安琪，為他冠上「謝生」、「廢柴老公」之名，更有人抨擊謝安琪身為基督徒卻未婚懷孕。最終，謝安琪公開道歉，承認不論在信仰上，或是作為年輕人偶像都確實犯了錯。其後，二人於翌年結婚，並誕下兒子張瞻（James）。

結婚初期 「天后」謝安琪搬到男家住屋邨

謝安琪產後復出，其音樂事業一帆風順，當年一首《囍帖街》更為謝安琪橫掃各樂壇頒獎禮的重要獎項，令他好快榮升天后級歌手。不過，據知結婚初期，張繼聰的收入相對較不穩定，謝安琪並沒埋怨，反而搬到跟男家一起住屋邨幾年。後來，二人才搬到大埔村屋，到現時的比華利山私人屋苑。

受外界狙擊 齊患抑鬱症

謝安琪事業上高峰，但負面新聞亦隨即而來，謝安琪被指整容上癮，其後又被傳媒炒作謝安琪和陳奕迅的吹水緋聞，加上事業上的各樣壓力，令謝安琪被困於抑鬱症之中。作為老公的張繼聰，一直被指「女尊男卑」，令他同樣被病魔所影響。

張繼聰曾在自己專輯《5+》的Hidden Track中表示，自己在2007、2008年左右患上抑鬱症，更指自己本身是個很正面的人，但到這一刻卻什麼問題都解決不了：「個時好驚行過啲報紙檔，好怕又喺封面上見到自己，關於我屋企人嘅報導。」

張繼聰曾表示，有一晚他獨留在家，突然有輕生念頭，更已經打好遺言給最好的朋友：「我真係冇辦法，我頂唔住。」幸好，張繼聰突然醒覺，最終沒有了結生命，更由這天開始對生命有另一番體會，並跟太太一同走過抑鬱症的陰霾，令二人關係更進一步。

努力工作終捱到發達

謝安琪多年來事業都處於高峰，更獲選香港十大傑青。張繼聰亦沒有氣餒，繼續做好自己，加入TVB拍電視劇，一劇接一劇，2015年更於劇集《收規華》中首次擔正做男主角，成為一線小生，精彩演出而大獲好評！加上拍攝各大廣告及電影，出鏡率不遜於太太，最終成功搣甩「廢柴老公」之名，人氣甚至超越太太謝安琪。

謝安琪做全職奶媽

其後，謝安琪於2017年生囡囡張靖時，張繼聰更令太太可以完全放下工作，安心養好身子，謝安琪揚言要做全職奶媽，實行無了期停工湊女：「真係擺低工作，以家庭為先，只要睇住小朋友開心就乜都值得！」現在，他們閒時就同家人一起外遊，一家四口樂也融融。

老婆被網民惡意攻擊 為妻挺身而出

二人由公開關係，到結婚生子，以及事業上都屢受抨擊。謝安琪周不時被外界質疑整容，言論還相當不留情面！見網民攻擊愛妻，一向大方的張繼聰亦不禁發長文回應，他表示：「香港有言論自由，可惜未必每位朋友都有尊重別人嘅修養。我好少放係心，不過講我太太，我就講幾句，太陽係喺東邊升起，係唔需要証明，又唔駛討論，因為係事實。就好似我覺得我太太有幾靚一樣！」阿聰的言論於開首已很有大將之風，絕對是「傑出關公」的示範！

2016年，當謝安琪完成兩場個人演唱會，正式展開一年暫別樂壇的生涯。張繼聰上載了和太太的合照表示支持，不過卻有一位網民「挑機」，指謝安琪的樣貌有點假。結果張繼聰留言「反擊」！其他網民大讚man爆！

奇招氹妻 確定「好老公」形象

今年情人節，謝安琪同張繼聰講唔想要任何物質嘢，只係想要一份過咗好多年之後都仲記得嘅禮物。依個難題又點會難倒一向鬼馬嘅張繼聰，佢於是帶咗謝安琪去尖沙咀海旁，問正在表演嘅年青人借咗支結他，即場自彈自唱情歌《每天愛你多一些》俾謝安琪聽，引來一大班途人圍觀。

睇吓謝安琪笑得幾開心！

張繼聰仲留言話：「老婆話唔要d物質禮物，但係要難忘嘅冧豬嘅幾十年後都記得嘅🍃於是我帶佢去海旁，問班年輕人借咗d架生……　講都無人信，仲要撞到Endy同阿嫂😂氹老婆嘅嘢，梗係搵啲志同道合嘅人一齊啦（主要係互相拍片）P.S.十分感謝借樂器比我地嘅年輕人s打攪」真係一個好老公呀！