張美妮情人節宣佈BB性別：係豬女呀！
撰文：Kayla｜圖片來源：Instagram
張美妮喺Instagram上Sweet爆留言：「Happy Valentine’s Day❤️老公知我收到粉紅色嘅花就會好開心🌸☺️love you~😘但一向好少會送公仔俾我，我問佢點解今次會送公仔？佢話係等B女出世，個熊仔可以俾佢玩吖！😆難怪啲人話囡囡係爸爸嘅小情人！😆☺️❤️」
張美妮細說生命中的美好意外
38歲的張美妮與老公KK於2013年結婚，去年才開始認真造人，去年12月公布來了，這一胎不是意外。入行13年，事業愛情不似預期，還不小心遇到渣男前度，卻的確是生命中的一點小意外。不過沒有意外，也就不會遇到命中注定的另一半，兜轉轉，來的時機卻剛剛好。
撰文：東方新地｜圖片：東方新地、微博｜編輯：Kayla
張美妮細說生命中的美好意外
今年38歲，距離張美妮入讀藝訓班那一 年，19歲，已經足足過了一個對。13年和經營髮型屋和餐廳的另一半KK結婚。
結婚五年終於造人成功，月初張美妮一家四口發po公布喜訊，不過陀 B仔定B女，就暫時保密。
「以為結完婚順理成章就應該努力，但係心嗰句又覺得兩個人都未ready。繼續我有我工作、佢有佢忙碌，眨吓眼就拖咗四年。」，張美妮解畫為甚麼到第五年才認真造人，是因為從來沒有真的的起心肝努力過。
張美妮提起特別記得是一次在canteen見到江美儀同麥包，說起正準備入廠拍劇，美儀大大聲話 過 :「呢度唔係你人生， 畀番啲時間番屋企啦……」，當頭棒喝 ， 不過要開竅始終還是得靠當事人自己。
「諗係一年前， 仲拍緊《丫鬟大聯盟》，喺張椅度仰 起個頭，突然問自己:『我喺度做咩呢?』計吓條數，做咗十幾年，一直都係做呢啲，明知搶嗰啲角色又唔會輪到我，如果結婚呢五年，時間心機擺喺屋企，會唔會值啲呢 ……」，開始想起家庭，心態一夜之間扭轉。
張美妮續說：「19歲加入訓練班，舊年做咗第十八年，嗰次係我第 一次放低咗事業心，第一次有劇搵我誠心拒絕。我係鍾意做戲，呢行我做得好開心，但係條數唔係咁計，反正都係做閒角，如果淨係為興趣，生完仔返轉頭拍咪一樣…但係頭家唔同，我相信同樣時間同樣心機，擺喺屋企，得到嘅會更加多。」。
時也命也
北區長大，家有一妹，父親是餐廳東主，母親是家庭主婦，中學畢業以後二話不說就走去報13期訓練班，「自細就貪靚貪得意，覺得做明星就係做戲唱歌，日日扮到靚一靚，人人都鍾意咁簡單。」，原因非常簡單。
張美妮靚女係真，人緣好亦都真，不過一入電視台，才發覺人人都係靚仔靚女， 靚仔靚女得嚟，有背景有才藝有家底有新聞價值的對手更加多，「靚過我叻過我嘅大把，不過我又冇當人哋係威 脅。19歲，公司出住糧畀我哋返去學嘢，日日唱吓歌做吓戲，又耍吓劍 咁，成班人根本就係當入camp，日日返去玩」。
一畢業就先進了兒童節目組主持兒童節目 ， 然後轉戰綜藝科、 加入《大搜查》，到了開始拍劇時已經有相當知名度，「上位又真係未去到，不過事業又一直穩步上揚，客戶又幾鍾意我keep住有人搵，人工又慢慢有得加，既然做得開心又搵到錢養到家，我自然就安於現狀」。
「十九年，你會明白人哋成功真係有原因。不過講番轉頭，我都感恩，可以一直跟住自己生活節奏，做緊自己鍾意嘅嘢，我諗個天其實好公平，總會擺你喺最適合嘅位置。」，上不到位亦未必是一件壞事，或者一切都已有上天安排。
講到第13期藝員訓練班，張美妮和同期訓練班的楊怡還多了一層感情，共抗過外敵，共度過患難:「阿怡大我幾個月，我一直似個大家姐，有義氣又敢出聲。有一年，藝訓班一班同學畀人叫去綜藝節目撐場面，黐住企無意識企咗中間，畀人單打:『呢啲人囉，綵排都唔係咁嘅，攝到中間都唔知博乜 ……』」
「我畀人激到喊，阿怡就一定會幫我出頭。仲有一次，畀我遇到個渣男，真係衝上去阿怡屋企攬住佢喊，佢陪咗我好多次去海邊談心㗎……」，原來二人情誼深厚。
多謝渣男
講到渣男，話說張美妮曾有一位拍拖五年的男朋友，當時那男友色心大到勾搭同公司女藝員，更用張美妮部相機拍埋淫片斷正:「我做咗咁多年人，從來冇遇過衰人，呢個係唯一一個，對我嚟講簡直係人生污點，污到冇得再污 ……阿怡見到個女仔都同我講:『哼，幾想當眾鬧佢 呀，勁藐佢囉!』」，然而渣男同狐狸精都被電視台一早淘汰，一早唔算圈中人。
不過亦都多得呢位渣男，張美妮經歷了人生唯一一個短暫的低潮期，「每日玩到4、5點醉晒至返屋企，係就係好熱鬧，不過熱鬧過後，個人醉醺醺，原來個感覺仲寂寞，仲空洞。」，相信不少女生都曾經歷過一段銘心刻骨的失戀時光。
兩個月後，多得杜大偉做媒人，張美妮遇到了現任老公，拍拖五年，在巴黎鐵塔下收到了兩卡半的巨金鑽，然後鏡頭一轉，來到今天，兩人甜絲絲期待小家庭裡的第一個新生命。
大概有女生會問甚麼時候知道眼前這個就是想接下來共度一生的人?張美妮說，是當有一刻希望為對方做個更好的女人。她說永遠記得那一天，老公KK收工趕回家，當著她面把飯菜全都扒進嘴裡掃個乾淨，
「佢個人好 cool，但係好實在，我知道我唔係最好，但係佢就係鍾意呢個我，會畀我繼續做自己。」張美妮對老公讚口不絕，相信她已找到自己一生的幸福及能帶給她幸福的那一位。
