撰文：東方新地｜圖片：新傳媒圖片庫、Instagram | 編輯：Sunday Kiss （原文刊於：東方新地）

徐子淇盛裝高貴出席晚宴

昨晚，一眾名人紅星到灣仔出席鐘錶珠寶品牌所舉辦的晚宴，席上的「千億新抱」徐子淇更穿上一身白色修身魚尾長裙，盡顯女性體態美外，亦顯高貴大方。母親節將至，被問到會如何慶祝，佢就表示都是跟媽媽和奶奶一家人吃飯，又表示今年母親節的感觸較大，因為去咗做探訪。

徐子淇關注落後地區婦女問題

徐子淇指，全球有好多18歲以下嘅少女結婚，並指自己見到好多個案的屋企都好窮，例如12、13歲就嫁俾啲好年長嘅男人，但生咗BB就不幸過身，故認為母親節應要關注吓呢類型事件，並認同香港18歲才可以結婚的規定。

徐子淇帶小朋友探訪

因此，佢認為母親節應該要關注吓呢類型事件，又提到將會帶小朋友去柬埔寨探訪，擴闊視野。另外，當佢被問到咪好期待收到母親節禮物，佢就話唔期待子女送驚喜：「最重要是他們有心，送心意卡已經很開心」。

徐子淇留定家傳之寶

因徐子淇二女李晞兒就嚟9歲生日，被問到唔想啲囡囡咁早結婚時，佢就話睇緣分，最緊要唔好未成年，但自己唔介意咁快抱孫，仲話留定家傳之寶俾新抱，啲女就有老公買畀佢哋，而佢啲珍藏就會留番俾兩個仔嘅老婆。

劉嘉玲同場華麗出席

至於，同場出席晚宴嘅仲有劉嘉玲，佢就表示自己有收藏珠寶的習慣：「我有做投資地產、藝術品，女孩子少不免會買珠寶的」。

豪買古董鑽石皇冠

佢稱之前試戴1906年古董鑽石皇冠，一戴愛上即買下，不過就拒談皇冠價錢。又坦言戴上便覺得屬於自己的感覺實在難得，又說買畫也不因升值而賺錢，最緊要開心。

嘉玲一直留意心頭好珠寶，並指偉仔都鍾意女人戴珠寶，笑言自己就是偉仔靚的珠寶！她否認皇冠由偉仔簽單，笑言買了不敢告訴對方，二人很獨立，更大講老婆格言：「我嘅就係我嘅，佢嘅都係我嘅。」

而嘉玲即將與老公梁朝偉快踏入結婚十週年，佢就笑言自己沒有要求偉仔送珠寶：「我從來不會開口叫他買東西給我，但是他還是蠻會做的，適當的時候還是會買一些」。嘉玲又讚偉仔平時不但送珠寶給她，也會送給兩人的媽媽，不會偏心。

爆囝囝鍾意熊抱大姐姐 周汶錡：唔怕醜又好猴擒

同場仲有周汶琦（Kathy）、梁詠琪（GiGi），兩位靚媽嫁給了外籍老公，生了可愛的混血BB，受訪時提及仔女，二人就笑言正洽談機會帶仔女見面。

講到兩個寶貝仔，周汶錡指兩兒子不怕醜，自小好多朋友。兒子特別喜歡同女生玩，尤其較年長的女生，反而唔多理同年嘅小妹妹。她笑言有時覺得囝囝好猴擒，會從後熊抱大姐姐，而且眼神會不同。又爆兒子特別喜歡長髮女生，若對方不理他，他會主動去攬對方。

爆老公逢年過節好識做

周汶琦指老公會在母親節送花，表示老公每逢節日都識做地送珠寶。她曾表示想親自挑選，不過就遭老公一口拒絕，又笑言可能老公 驚她揀好大粒鑽石！認真羨煞旁人！