慘受惡鄰噪音滋擾 葉翠翠：細仔朝早六點嚇到喊醒！
撰文：Chloe | 圖片：葉翠翠FB
陀B深受鄰居噪音困擾 葉翠翠上門理論反被鬧
葉翠翠上年三月陀住細仔時，加上屋企當時大仔（小王子）亦只有10個月大 經常被噪音嚇醒。葉翠翠曾多次向管理員反映，點知樓上鄰居無改善，繼續製造噪音。後來，樓上開 party, 尖叫又大嗌，佢覺得鄰居實在太過分，所以佢都嘗試聯同管理員，一齊去搵鄰居商量，希望對方體諒。結果對方聲大夾惡唔認錯，仲揚言要報警。
無奈之下的葉翠翠唯有係網上留言訴苦，「我所有嘢都係為小朋友，其實佢哋都住咗兩年架喇，我無小朋友嘅時候，我係忍佢嘅，咁你嘈我都唔緊要啦，無問題。但佢而家係日日都嘈醒我小朋友，我咁樣先至去反映。」
對方態度擺到明唔會改，唔少網民叫葉翠翠唔好影響心情，仲有人分享咗自己類似經歷同解決方法。當時，就有網友提議買反噪音神器反擊惡鄰，不過冤冤相報何時了呢！
葉翠翠嬲爆：自私嘅人太多！
由於該次事件令陀緊B嘅翠翠日日都睡眠不足，精神緊張，以致患有焦慮症及抑鬱症。點知事隔一年，同類事件又再發生，樓上鄰居喺細仔房間位置發出噪音，佢本來一心以和為貴，但對方一直躲避未有理會。葉翠翠唯有再次上網搵網民求意見！
第一個生日 party❤️由細到大都未試過搞生日派對，Holdbody…
Posted by 葉翠翠 ip chui chui on Saturday, 15 September 2018
愛仔心切嘅翠翠坦言目前已搵管理處求救，又大嘆：「自私嘅人太多！為何要難為小朋友，當日影響大肚婆，現在影響小朋成長，同理心去左邊？唔明白啲人點解明知影響到人，仍然依舊，搞完小王子，現時又搞小小王子。」，大人冇教瞓都已經好難頂，更何況得幾個月嘅小朋友呢？
據知，翠翠個細仔每晚點半及朝早六點都會俾樓上嘅噪音嚇醒而爆喊！翠翠透露：「每逢呢兩個時間樓上都拉晒嘢，唔知拉乜，拉嗰吓全屋都聽到、全間屋都震，細仔就正正瞓喺對下嗰個位置！」
Posted by 葉翠翠 ip chui chui on Saturday, 6 October 2018
見到細佬喊，第一時間跑過去睇😂😂😂。。不過。。比電視機吸引左去。。。
Posted by 葉翠翠 ip chui chui on Thursday, 30 August 2018
翠翠表示自己已經同管理處反映事件，但對方好似唔明白佢情況。佢更指因為已離逝的媽媽很喜歡呢間屋，雖然自己唔想搬，但為咗仔仔，故亦有計劃搬屋避噪音，早排曾經周圍睇屋，不過暫時未搵到適合嘅新屋。
Posted by 葉翠翠 ip chui chui on Saturday, 1 September 2018
