【出世啦】林芊妤Coffee漏夜入院剖腹生B 胎盤前置兼出血
撰文：C | 圖片：林芊妤Coffee IG
【出世啦】林芊妤Coffee漏夜入院剖腹生B 胎盤前置兼出血
今日凌晨時分，Coffee在社交網貼出一張醫院病房短片，並寫道：「今晚要喺度瞓。」原來Coffee昨晚孖老公出席朋友生日派對後，已漏夜入院等生B。
數小時後，她再更新ig，留言話：「都係等唔到順產，胎盤仲係前置，依家仲差2cm先夠位可以順產。本來諗住等下等下胎盤有機會會升上去，但因胎盤依家出血，應該要開刀。唔緊要，BB健康出世就好，加油！我哋都要安安全全，呢幾日都要喺醫院瞓啦。」
其實Coffee之前已就表示自己好想順產生B，但由於醫生在她懷孕後期時已發現胎盤前置問題，早已預計要開刀產子。據悉，Coffee與下午透過短訊回應自己已經生B，仲好貼心咁話：「好累，比一日時間我休息好，聽日再回應send埋相俾你地。」恭喜晒！
好姊妹吳日言送祝福
作為同期懷孕的好姊妹吳日言，隨即送上祝福：「肚腩仔終於出世啦，我為你感到高興。」
前一日，Coffee先喺IG高調放閃，或許同BB心有靈犀，不能偏心小寶寶，佢提起叮囑老公：「不能偏心小寶寶，要記得我才是你最愛。」點知，第二日Coffee就漏夜入院，BB提早報到！
就算寶寶出世以後，我們還是要跟現在一樣，兩個小孩般吵吵鬧鬧地過著，你依然要哄我要保護我，不能偏心小寶寶，只有我可以偏心他哈哈，要記得我才是你最愛，#爭寵又霸道的女人#肉麻🤤
【隨時生得】林芊妤陀B八個月 粉藍babyshower迎接B仔
即將「卸貨」嘅Coffee林芊妤，為即將出生的囝囝Baby Chak舉行了一場粉藍色的Babyshower，更請來一大班「媽媽級」好友到場取「湊仔經」，場面非常熱鬧。
Baby shower是美加的傳統風俗之一，在孩子出生前，由親朋好友張羅一場party，而參加party的人都要給未出生的孩子一份禮物，而一般的babyshower只有女人參加。
粉藍色佈置相當夢幻，一眾媽媽少女心爆發。
Babyshower當天，她身穿橙紅色長袖連身裙，臉上都是幸福的笑容。
一眾好姊妹出席Coffee的Baby Shower派對，當中有大肚媽咪吳日言及李悅彤（Liddy），三個靚媽更齊齊捧巨肚合照。
Coffee笑指Baby Chak未出世已經萬千寵愛在一身啦，佢留言話：「Thanks for coming!雖然無齊人既大合照，但係baby Chak好幸福，比好多靚姐姐圍住，Bb仲收左好多禮物，多謝喔﹗」
平常都能看見Coffee和一樣身為準媽媽的閨蜜吳日言吃喝玩樂，這次的Babyshower先發現，原來她身邊還有很多「媽媽級」同「人妻」好友！
除了吳日言，還有同樣懷孕8個月的Liddy 李悅彤、蔡慧欣、胡中慧，而李蘊、《東張西望》主持梁麗翹等也帶上小朋友一起出席。
Coffee29歲生日：「期待踏上生日另一個階段」
林芊妤（Coffee）現時陀B八個月，預產期為10月份。今日，Coffee喺社交網上載咗一張照片，並感觸留言：「29歲的生日快到了，以前有的是腹肌，現在有的是肚腩仔，這代表不一樣的精彩，因人生將踏上另一個階段，越來越期待。」
臨產前最後一次生日，Coffee就約咗一班女性朋友慶祝，仲俾嘅朋友好肉緊咁錫面，Coffee亦留言：「扁啦！」
活潑B仔肚裡做瑜伽！？準媽媽Coffee首晒BB胎動
即將成為新手媽媽嘅Coffee，不時喺社交網大晒懷孕點滴，更不私心拍片同大家分享陀B心得。
呢日，Coffee喺社交網上載咗一條「胎動」短片，佢留言話：「到佢既活動時間啦」片中可見B仔大誇張咁郁動，BB超級活潑。
網友紛紛大讚：「好活跃啊！肯定是个活力 baby」、「好誇張又好奇妙」更有網友搞笑留言：「bb應該跟緊你做yoga」、「好腳法」
胎動似腸動！？Coffee「晚晚郁 好似腸動咁」
有未為人母嘅網民就好奇問Coffee：「究竟係咩感覺」、「咁郁法會唔會痛㗎！？」 Coffee搞笑回覆：「佢晚晚郁，好似腸動咁」
Coffee愛臨急抱佛腳 準備BB用品都唔例外
早前，大著肚子都要同老公周遊世界嘅Coffee，臨近預產期終於肯安心留港養胎。到了懷孕最後階段，Coffee終於開始為生B著手準備，準備bb房、上媽媽堂、趕辦babyshower等，仲話自己「特別有動力」。
到最後階段，才開始忙著想要和寶寶留倩影。急著要準備好bb房的東西，衝著去上媽媽課，趕辦babyshower的事宜，這是我一貫的風格，臨急抱佛腳。
練就熟手 Coffee抱李蘊B仔唔捨得放手
日前，陀B八個月的Coffee登門拜訪，探望同期懷孕的好姊妹李蘊。
李蘊於上月初誕下二胎，湊成好字。仔仔眨下眼已經一個多月大，眉清目秀，似足媽媽。
Coffee趁難得機會緊要抓緊時間學抱B，順便提前拜師請教媽媽經。佢上載咗一張同李蘊母子嘅合照，並留言話：「好快就到自己啦，其實都有d緊張，見到你（李蘊）勁熟手，到時要多多指教。」
剛剛再為人母的李蘊，當然明白準媽媽緊張的心情，佢鼓勵Coffee話：「 熟能生巧，你都可以。」
更大讚小新bb（李蘊兒子小名）好乖，任佢抱。小新媽咪聽到有人讚自己個仔緊係開心，回覆：「我小新bb緊係乖豬啦。」
Coffee懷孕32周Coffee身型靚過28周吳日言
身為瑜伽導師的Coffee懷孕後身材依然Fit爆，日前跟好姊妹吳日言齊齊去游水，更在社交網站上貼出唯美泳衣照，見懷孕32周的Coffee手腳纖幼，肚子只比懷孕28周的吳日言大少少，兩個準媽媽都Keep得非常好，引來不少網民大讚。
Coffee留言：「之前一起主持節目而認識，到現在一起前後懷孕，太有緣份了吧，哈哈哈！」
而吳日言則貼出與丈夫的合照，並留言指：「今年第一次落水，結果就比佢地笑我“唔做運動。皮膚太白。唔識游水。”睇住嚟，生完之後減比你地睇。😝」未生B已經想著產後修身，看來吳日言誓要當個靚媽！
懷孕八個月與老公遊世界 晒「老公視覺」Fit爆靚相
最近同老公四圍玩，歎世界嘅Coffee，不時都係社交網大晒旅行靚相。早前，更分享咗數張身穿比堅尼的相片晒孕肚，陀B8個月嘅Coffee留言話：「肥仔（老公）話我而家似企鵝..」
